Համապատասխան օնլայն խանութից (App Store, Google Play Store) ներբեռնե՛ք Ամերիա Մոբայլ բանկինգ հավելվածը, մուտքագրե՛ք օգտագործողի անունն ու գաղտնաբառը:

PIN կոդի միջոցով Մոբայլ հավելված մուտք գործելու հնարավորությունն ակտիվացնելու համար անհրաժեշտ է կարգավորումներում ընտրել «PIN կոդ» տարբերակը, բացված պատուհանում մուտքագրել ընթացիկ գաղտնաբառն ու սահմանել PIN կոդը, որի նիշերի առավելագույն քանակը 4-ն է:

Մատնահետքով /FaceID-ով մուտքն ակտիվացնելու համար կարգավորումներից ընտրե՛ք «Մատնահետք» տարբերակը և բացված պատուհանում հաստատե՛ք մատնահետքը (IOS համակարգի դեպքում հաստատում չի պահանջվում): Մատնահետքի (FaceID-ի) միջոցով մուտքն ակտիվանում է այն դեպքում, եթե հեռախոսն ունի համապատասխան տեխնիկական հնարավորություն, և տվյալ սմարթֆոնում այն ակտիվացված է:

Ընդ որում, PIN կոդ սահմանելու կամ մատնահետքով մուտք գործելու սխալ փորձերի քանակը 3-ն է, որոնք սպառելուց հետո Հավելվածի մուտքը հնարավոր է համապատասխան գաղտնաբառի միջոցով։ Հնարավոր հաճախակի արգելափակումից խուսափելու նպատակով Դուք կստանաք զգուշացում փորձերի հասանելի քանակի մասին։

Ամերիա Մոբայլ Բանկինգ հավելվածի միջոցով Դուք կարող եք.

Դիտել`

• Ձեր ընթացիկ հաշվի ու քարտի մնացորդները և իրականացված գործարքները,
• վարկերի ընթացիկ կարգավիճակը, մարումների գրաֆիկը և կատարված գործառնությունները,
• ավանդների ընթացիկ կարգավիճակները և կատարված գործառնությունները,
• Ձեր կատարած վճարումների պատմությունը,
• արտարժույթի փոխարժեքները,
• մուտքային և ելքային նամակները։

Կատարել`

• փոխանցումներ,
• արտարժույթի փոխանակումներ,
• վարկերի մարումներ,
• ավանդների համալրումներ,
• կոմունալ վճարումներ,
• գաղտնաբառի փոփոխում և գործողությունների մատյանի դիտում։

Ինչպես նաև՝

• դիտել վճարման հանձնարարականի ձևանմուշները (template), ստեղծել նոր ձևանմուշներ և կատարել վճարումներ դրանց հիման վրա,
• փնտրել մոտակա մասնաճյուղերն ու բանկոմատները,
• պատճենել կատարված վճարումները,
• ուղարկել նամակներ։