Բրոքերային ծառայություններ | Ներդրումներ | Ամերիաբանկ

Բրոքերային ծառայություններ

Պատրա՛ստ եղեք նոր ձեռքբերումների

Բրոքերային ծառայություններ

Պատրա՛ստ եղեք նոր ձեռքբերումների

Ուզու՞մ եք ստանալ լրացուցիչ եկամուտի հնարավորություն: Բացե՛ք բրոքերային հաշիվ և վաստակե՛ք ոսկու, նավթի, հումքային ապրանքների ու համաշխարհային գիգանտ-կազմակերպությունների բաժնետոմսերի առքուվաճառքի միջոցով:

 

Ամերիաբանկը հնարավորություն է ընձեռում կատարել տարաբնույթ գործարքներ ՀՀ ֆոնդային բորսայում, արտաբորսայում, ինչպես նաև միջազգային մասնագիտացված ֆոնդային և ապրանքահումքային շուկաներում:

 

Ամերիաբանկը եզակի բանկերից է հայաստանյան շուկայում, որն արժեթղթերով ներդրումային ծառայություններ է մատուցում միջազգային ֆոնդային և ապրանքահումքային բորսաներում, ինչպիսիք են՝ ԱՄՆ-ի, Կանադայի, Մեքսիկայի, Միացյալ Թագավորության, Ավստրիայի, Բելգիայի, Ֆրանսիայի, Շվեյցարիայի, Իտալիայի, Իսպանիայի, Ճապոնիայի, Հոնկոնգի և այլ երկրների բորսաները:


Անվտանգ գործարքներ

Գործարքի  կատարումից առաջ հաճախորդի նույնականացումը հնարավորություն կտա բարձրացնել բրոքերային ծառայությունների անվտանգությունը

Մատչելի սակագներ

Կարող եք իրականացնել բրոքերային գործարքներ՝ վճարելով ցածր միջնորդավճարներ։

Լայն գործիքակազմ

Հասանելիություն 20-ից ավել երկրների ֆոնդային բորսաների:


Ինչի՞ց սկսել:

Բրոքերային ծառայություններից օգտվելու համարան հրաժեշտ է այցելել Ամերիաբանկի ցանկացած մասնաճյուղ: Բրոքերային ծառայությունների մասնագետը  հեռախոսով, կամ, գլխամասային գրասենյակ մոտենալու դեպքում  անձամբ Ձեզ հետ խորհրդատվություն կանցկացնի, այնուհետև՝ անհրաժեշտության դեպքում կանցնեք բրոքերային հաշվի բացմանը: 

Ի՞նչ փաստաթղթեր են անհրաժեշտ բրոքերային հաշիվ բացելու համար:

Եթե հանդիսանում եք Ամերիաբանկի հաճախորդ, ապա բրոքերային հաշիվ բացելու համար բավարար է Ձեր անձնագիրը կամ նույնականացման քարտը, հակառակ դեպքում անհրաժեշտ է բացի անձնագրից նաև ՀԾՀ-ն հավաստող փաստաթուղթ։ 

Ինչպե՞ս գնել, օգտվել ծառայություններից

Բրոքերային գործարքի իրականացման պատվեր տալու նպատակով անհրաժեշտ է զանգահարել +374-10-513170 կամ +374-10-513169 հեռախոսահամարներով և նշել գործարքի վավերապայմանները, կամ լրացված ձևանմուշը ուղարկել brokerage@ameriabank.am հասցեին։

Ի՞նչ արժույթով է բացվում բրոքերային հաշիվը։

Բրոքերային հաշիվը բացվում է ԱՄՆ դոլարով։ Այլ արժույթով արժեթղթեր գնելու դեպքում Ձեր բրոքերային հաշվին առկա գումարը այդ պահին շուկայում ձևավորված փոխարժեքով կփոխարկվի համապատասխան արժույթի։

Կա արդյո՞ք սպասարկման վճար:

Բրոքերային հաշիվը բացվում և սպասարկվում է անվճար, և Դուք վճարում եք միայնի միջնորդավճար կատարված գործարքների դիմաց։ Բրոքերային ծառայություններից օգտվելիս Դուք օգտվում եք նաև Պահառուական ծառայություններից, որի համար հետվճարային կարգով գանձվում է տարեկան 5000 ՀՀ դրամ:

Որքա՞ն գումար է անհրաժեշտ սկսելու համար:

Բրոքերային ծառայություններից օգտվելու համար նվազագույն դեպոզիտի չափ չի սահմանվում, բացառությամբ ֆորեքս գործարքներ իրականացնողների: Այդ դեպքում համաձայն ՀՀ ԿԲ կանոնակարգ 4/07-ի՝ սահմանված նվազագույն դեպոզիտի չափը ռեզիդենտ հաճախորդների համար 5 մլն ՀՀ դրամին համարժեք ԱՄՆ դոլարն է, ոչ ռեզիդենտ հաճախորդների համար՝ 2,5 մլն ՀՀ դրամին համարժեք ԱՄՆ դոլարը:

Ինչպե՞ս համալրել բրոքերային հաշիվները:

Բրոքերային հաշվեհամարները կարող եք համալրել

ա) առցանց՝ Ինտերնետ-բանկ կամ Moblie banking համակարգով՝ փոխանցելով Ձեր ընթացիկ բանկային հաշվից բրոքերային հաշվեհամարին,
բ) այցելելով Ամերիաբանկի ցանկացած մասնաճյուղ,
գ) այլ բանկում Ձեր անունով ունեցած հաշվից փոխանցելով Ձեր բրոքերային հաշվին:

Հնարավո՞ր է իրականացնել արտարժույթային գործարքներ

Արտարժույթային գործարքներ իրականացնելու համար անհրաժեշտ է դասակարգվել որպես պրոֆեսիոնալ հաճախորդ։Պրոֆեսիոնալ հաճախորդ դառնալու համար անհրաժեշտ է բավարարաել ստորև պայմաններից առնվազն երկուսին՝

1. Վերջին 4 եռամսյակներում իրականացրել եք 10 և ավելի գործարքներ (1 գործարքի ծավալը միջին հաշվով նվազագույնը 1 մլն դրամ): 

2. Ձեր արժեթղթերի փաթեթի մեծությունը գերազանցում է 100 մլն դրամը 

3. Ունեք արդյոք Ֆինանսական շուկայում 2 տարվա մասնագիտական աշխատանքային փորձ 


Այս պահին ժամանակավորապես արտարժույթային գործարքներ իրականացնել հնարավոր չէ։ 


Պայմաններ և սակագներ


ՈՒՇԱԴՐՈՒԹՅՈՒՆ`  պատվերում նշված պայմաններին համապատասխան գործարքների կատարման դեպքում արժեթղթերում ներդրման հետ կապված ՌԻՍԿԸ ԿՐՈՒՄ Է ՍՊԱՌՈՂԸ: Ֆինանսական կազմակերպությունը ՉԻ ՓՈԽՀԱՏՈՒՑԵԼՈՒ սպառողի վնասները, եթե դրանք չեն պատճառվել ֆինանսական կազմակերպության կողմից անբարեխիղճ վարքագծի արդյունքում:

Հաճախորդը իրավունք ունի հաղորդակցվել Բանկի հետ իր նախընտրած եղանակով՝ փոստային կապի կամ էլեկտրոնային փոստի միջոցով:

Ֆինանսական կազմակերպությունը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» («Know your customer») սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ սպառողին:

Նախկին բրոքերային ծառայություններ


Ներդրումային ծառայությունները մատուցվում են «Ամերիաբանկ» ՓԲԸ գլխամասում, հասցեն՝ ՀՀ, ք. Երեւան, 0010, Վ. Սարգսյան 2:

Թարմացված է առ 12.09.2022 13:58