Ծառայությունից կարող եք օգտվել, եթե Ամերիաբանկի հաճախորդ եք, և 18 տարեկանը լրացել է: Եթե դեռ հաճախորդ չեք, ապա ծառայության դիմելիս անհրաժեշտ կլինի նաև հաշիվ բացել մեզ մոտ: 

Միևնույն անհատական պահատուփից կարելի է օգտվել համատեղ: Այս դեպքում համատեղ համաձայնությամբ հայտ-պայմանագրում սահմանում են պահատուփի տնօրինման կարգը, համաձայն որի հնարավոր է, որ` 

ա/ պահատուփը տնօրինում են հայտ-պայմանագիրը ստորագրած հաճախորդներից յուրաքանչյուրը առանձին-առանձին՝ առանց որևէ սահմանափակման: Այս դեպքում հաճախորդներից յուրաքանչյուրն առանձին իրավունք ունի կատարելու պահատուփի հետ կապված ցանկացած գործողություն, ներառյալ` հայտ-պայմանագրով ընտրված պայմանների հետագա փոփոխությունները և պահատվության ծառայության դադարեցումը,

բ/ պահատուփը տնօրինում են հայտ-պայմանագիրը ստորագրած բոլոր հաճախորդները միասին` ընդհանուր համաձայնությամբ: Այս դեպքում հաճախորդներից յուրաքանչյուրի համաձայնությունը պարտադիր է պահատուփի հետ կապված ցանկացած գործողության համար, ներառյալ՝  հայտ-պայմանագրով ընտրված պայմանների հետագա փոփոխությունները և պահատվության ծառայության դադարեցումը:

Համատեղ պահատւփի պայմանագիր կնքելիս, անկախ հետագա տնօրինման կարգից, պայմանագրի կնքման ժամանակ պետք է ներկա լինեն և ստորագրեն բոլորը։

Անվտանգությունն ապահովելու համար պահատուփը փակվում է 2 բանալիով, որոնցից մեկը տրամադրվում է Ձեզ, իսկ մյուսը պահվում է Բանկում: Պահատուփը հնարավոր է բացել միայն 2 բանալիների համաժամանակյա կիրառմամբ:

Բանկն իրավունք ունի բացելու հաճախորդի պահատուփը ստորև նշված հանգամանքներից որևէ մեկի ի հայտ գալու դեպքում՝ անկախ հաճախորդի համաձայնությունից և ներկայությունից, 

• ՀՀ օրենսդրության համաձայն՝ դատարանի վճռի/որոշման, ՀՀ արդարադատության նախարարության դատական ակտերի հարկադիր կատարման ծառայության կամ պետական իրավասու այլ մարմնի որոշման հիման վրա, 
• Եթե կան լուրջ և հիմնավոր նախադրյալներ ենթադրելու, որ վտանգված է Բանկի անվտանգությունը և (կամ) գործունեությունը, և (կամ) Պահատուփում գտնվում է Պայմանների կամ օրենքի համաձայն արգելված տեսակի գույք, 
• Եթե Պայմանների ներքո Կողմերի միջև իրավահարաբերությունները դադարեցվելուց հետո 3 ամիս և ավել հաճախորդը չի ազատել պահատուփը և բանալին չի վերադարձրել Բանկ, 
• Հաճախորդի կողմից պահատվության ծառայության համար նախատեսված միջնորդավճարների վճարման պարտավորությունները 3 ամիս և ավել չկատարելու կամ ոչ պատշաճ կատարելու դեպքում, 
• Կողմերի միջև պայմանագրային հարաբերություններ սահմանող փաստաթղթերով կամ ՀՀ օրենսդրությամբ նախատեսված այլ դեպքերում: