Ամփոփագրում նշված պայմանները կարող են փոփոխված լինել, մանրամասների և ամբողջական պայմանների համար դիմել` «Ամերիաբանկ» ՓԲԸ ameriabank.am | 010 56 11 11 Հասցե` Հայաստանի Հանրապետություն, Երևան 0010, Վազգեն Սարգսյան 2, Էլ. հասցե` office@ameriabank.am
Բանկը վերահսկվում է ՀՀ Կենտրոնական Բանկի կողմից
Տվյալ տեղեկատվական ամփոփագրում ներկայացվում են նաև իրավաբանական անձանց համար ֆակտորինգի տրամադրման պայմանները
«Ամերիաբանկ» ՓԲԸ-ն իրավաբանական անձանց առաջարկում է հետևյալ ֆակտորինգի տեսակները.
- Տեղական ֆակտորինգ /ռեգրեսի իրավունքով կամ առանց ռեգրեսի իրավունքի/[1]
- Տեղական դասական ֆակտորինգ /առանց ռեգրեսի իրավունքի/
- Արտահանման ֆակտորինգ /ռեգրեսի իրավունքով/առանց ռեգրեսի իրավունքի /
- Ներմուծման ֆակտորինգ /ռեգրեսի իրավունքով /առանց ռեգրեսի իրավունքի /
Ֆակտորինգի ձևակերպումը կատարվում է Բանկի գլխամասում:
Ֆակտորինգի գումարը տրամադրվում է անկանխիկ՝ Պարտատիրոջ հաշվին մուտքագրելու միջոցով:
Ֆակտորինգի տոկոսադրույքների և տրամադրման միանվագ վճարի հաշվարկման կարգը
Ֆակտորինգի տոկոսագումարները հաշվարկվում են անվանական տոկոսադրույքի հիման վրա: Որպես բաժանարար հիմք է ընդունվում տարին 365 օր: Տարեկան փաստացի տոկոսադրույքը ցույց է տալիս, թե որքան կարժենա ֆակտորինգը պատշաճ կերպով և պայմանավորված ժամկետներում պայմանագրով ստանձնած պարտավորությունները կատարելու դեպքում:
Տարեկան փաստացի տոկոսադրույքը հաշվարկվում է՝ հիմք ընդունելով հետևյալ բանաձևը.
որտեղ՝
- A՝ ֆակտորինգային ֆինանսավորման տարեկան տոկոսադրույքը
- D՝ ֆինանսավորվող գումար
- E՝ սահմանված տոկոսադրույքի թիվը
- B՝ ֆակտորինգի մարման ժամկետ
- C` Ֆակտորինգի տրամադրման ժամկետ
Ֆակտորինգի տրամադրման միանվագ վճարը հաշվարկվում է զիջվող գումարի նկատմամբ և գանձվում է միանվագ՝ Բանկի իրավասու մարմնի որոշման համաձայն, ֆինանսավորման կամ պայմանագրի մարման պահին:
Տրամադրման միանվագ վճարը գանձվում է ՀՀ դրամով` անկախ ֆակտորինգային ֆինանսավորման արժույթից, հիմք ընդունելով գանձման պահին Բանկում գործող արտարժույթի փոխարժեքները:
Ամբողջ ժամկետի համար հաշվարկված տոկոսագումարը , պայմանագրի մարման օրը նվազեցվում է Հաճախորդին չֆինանսավորած զիջված գումարից, ինչը վերջնահաշվարկի տեսքով վերադարձվում է հաճախորդին:
Տոկոսագումարի հաշվարկի ներկայացուցչական օրինակ
- Ֆակտորինգի ներքո զիջվող գումար՝ 10,000,000 ՀՀ դրամ
- Ֆինանսավորման չափ՝ զիջվող գումարի 90%
- Ֆակտորինգի ֆինանսավորման գումար՝ 9,000,000 ՀՀ դրամ
- Ֆակտորինգի տարեկան տոկոսադրույք` 15%
- Ֆակտորինգի տրամադրման միանվագ վճար՝ 1%
- Ֆակտորինգի ժամկետ՝ 60 օր
Օրական հաշվեգրվող տոկոսագումարը կկազմի՝
9,000,000*15%/365 = 3,698.63 ՀՀ դրամ
Ամբողջ ժամկետի համար հաշվարկվող տոկոսագումարը կկազմի՝
3,698.63*60=221,917.8 ՀՀ դրամ
Գործարքից գանձման ենթակա ֆակտորինգի տրամադրման միանվագ վճարը կկազմի՝
10,000,000*1% = 100,000 ՀՀ դրամ
- Ռեգրեսի իրավունքով ֆակտորինգի դեպքում Տոկոսը հաշվարկվում է օրական կտրվածքով՝ Ֆինանսավորված գումարի նկատմամբ` որպես հիմք ընդունելով տարին օրացուցային բաժանարարը 365 օր:
- Առանց ռեգրեսի իրավունքի ֆակտորինգի դեպքում Տոկոսը հաշվարկվում է օրական կտրվածքով՝ Ֆինանսավորված գումարի նկատմամբ` որպես հիմք ընդունելով տարին օրացուցային բաժանարարը 365 օր:
Ֆինանսավորված գումարների վերադարձնելիության ապահովվածությունը
Կախված գործարքի ռիսկայնության մակարդակից Բանկի իրավասու մարմնի որոշմամբ կարող է պահանջվել է Գրավ, երաշխավորություն, երաշխիք:
Ռեգրեսի կամ առանց ռեգրեսի իրավունքով ֆակտորինգի դեպքում Հաճախորդը կամ Պարտապանը կետանցի յուրաքանչյուր օրվա համար Բանկին վճարում է տույժ՝ չվճարված գումարի 0.13 տոկոսի չափով:
Տոկոսադրույքի փոփոխություն
Բանկն իրավունք ունի պայմանագրի գործողության ընթացքում միակողմանի փոփոխել -տոկոսադրույքի և ֆակտորինգի տրամադրման միանվագ վճարի չափը` հիմնվելով ֆինանսական շուկայից Բանկի ներգրաված և/կամ շուկայում տեղաբաշխած միջոցների տոկոսադրույքների տատանումներից և/կամ եթե ֆինանսական շուկայում իրատեսական են դարձել ֆինանսավորման տոկոսադրույքի փոփոխման նախադրյալները, այդ մասին 30 օր առաջ նախապես տեղեկացնելով հաճախորդին:
ԶԳՈՒՇԱՑՈՒՄ` ԶԻՋՎԱԾ ԳՈՒՄԱՐԸ ՍԱՀՄԱՆՎԱԾ ԺԱՄԿԵՏՈՒՄ ՊԱՐՏԱՊԱՆԻ ԿՈՂՄԻՑ ՉՎՃԱՐԵԼՈՒ ԴԵՊՔՈՒՄ ՊԱՐՏԱՊԱՆԻ ՄԱՍԻՆ ՏԵՂԵԿԱՏՎՈՒԹՅՈՒՆԸ ԿԳՐԱՆՑՎԻ ՎԱՐԿԱՅԻՆ ՌԵԳԻՍՏՐՈՒՄ:
ԶԳՈՒՇԱՑՈՒՄ` ԵԹԵ ԴՈՒՔ ՉԿԱՏԱՐԵՔ ՊԱՅՄԱՆԱԳՐՈՎ ՍՏԱՆՁՆԱԾ ՊԱՐՏԱՎՈՐՈՒԹՅՈՒՆՆԵՐԸ, ԵՎ ԲԱՆԿԸ ՁԵՐ ՎԱՐԿԱՅԻՆ ՊԱՐՏԱՎՈՐՈՒԹՅՈՒՆՆԵՐԸ ՄԱՐԻ ԳՐԱՎԻ ՀԱՇՎԻՆ, ԱՊԱ ՁԵՐ ՎԱՐԿԱՅԻՆ ՊԱՐՏԱՎՈՐՈՒԹՅՈՒՆՆԵՐԸ ԾԱԾԿԵԼՈՒ ՀԱՄԱՐ ԳՐԱՎԸ ԲԱՎԱՐԱՐ ՉԼԻՆԵԼՈՒ ԴԵՊՔՈՒՄ ՊԱՐՏԱՎՈՐՈՒԹՅՈՒՆՆԵՐԻ ՄԱՐՈՒՄԸ ՀՆԱՐԱՎՈՐ Է ԻՐԱԿԱՆԱՑՆԵԼ ՁԵՐ ԱՅԼ ԳՈՒՅՔԻ ՀԱՇՎԻՆ:
ԶԳՈՒՇԱՑՈՒՄ` ՁԵՐ ԳՈՒՅՔԸ ԿԱՐՈՂ Է ՕՐԵՆՔՈՎ ՍԱՀՄԱՆՎԱԾ ԿԱՐԳՈՎ ԲՌՆԱԳԱՆՁՎԵԼ, ԵԹԵ ԴՈՒՔ ԺԱՄԱՆԱԿԻՆ ՉԿԱՏԱՐԵՔ ՁԵՐ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԱՅԻՆ ՊԱՐՏԱՎՈՐՈՒԹՅԱՆ ԳՈՒՄԱՐԻ ՄԱՐՈՒՄՆԵՐԸ:
Արտարժույթի փոխարժեքի փոփոխությունները կարող են ազդեցություն ունենալ Ֆակտորինգի մարումների վրա այն դեպքում, երբ ֆինանսավորումը տրամադրված է հաշիվ-ապրանքագրի արժույթից տարբերվող արժույթով:
Ֆակտորինգային հայտի վերաբերյալ որոշման կայացումը
Բանկի կողմից ֆակտորինգային հայտը հաստատելու վերաբերյալ վերջնական որոշումը կայացվում է հաճախորդի կողմից պահանջվող փաստաթղթերի ամբողջ փաթեթը Բանկ ներկայացնելուց հետո առավելագույնը 10 (տասը) աշխատանքային օրվա ընթացքում:
Ապահովման միջոցների առկայության պարագայում, ֆակտորինգը հաճախորդին տրամադրվում է պայմանագրով նախատեսված ապահովման պայմանագրերի կնքված լինելու դեպքում: Ընդ որում գույքի գրավադրման դեպքում ֆակտորինգը հաճախորդին տրամադրվում է գրավի պայմանագրերը Բանկի համար ընդունելի ձևով ձևակերպելուց և ՀՀ օրենսդրությամբ սահմանված կարգով կնքելուց, գրավի առարկաները Բանկի պահանջով վերջինիս հետ համագործակցող ապահովագրական ընկերության միջոցով ապահովագրելուց, ինչպես նաև ֆակտորինգի տրամադրման այլ պայմանները հաճախորդի կողմից կատարվելուց 1 (մեկ) աշխատանքային օր հետո:
Հաճախորդին ֆակտորինգի տրամադրման համար դրական գործոններ կարող են հանդիսանալ`
- Ֆինանսական դրություն
- Բանկային/Վարկային պատմություն
- Ապահովվածություն
- Կառավարման որակ
- Բիզնես միջավայր
- Փոխկապակցված անձանց գործունեություն և վարկային պատմություն:
Ֆակտորինգի մերժման գործոնները`
- Հաճախորդի կողմից ներկայացված տվյալները (փաստաթղթերը և այլ տեղեկատվությունը) անարժանահավատ են կամ ոչ ամբողջական:
- Հաճախորդի եկամուտներն անբավարար են պարտավորությունների մարման համար:
- Հաճախորդն ունի վատ վարկային պատմություն, ժամկետանց և/կամ դասակարգված պարտավորություններ (այդ թվում` երրորդ անձանց հանդեպ):
Գույքով ապահովված Ֆակտորինգի դեպքում անհրաժեշտ վճարները
Անհրաժեշտության դեպքում ինչպես Պարտատիրոջից, այնպես էլ Պարտապանից ռիսկերի զսպման նպատակով կարող է պահանջվել գրավ կամ այլ լրացուցիչ ապահովվածություն:
Գրավադրվող անշարժ կամ շարժական գույքը պարտադիր գնահատվում է Բանկի հետ համագործակցող ընկերություններից որևէ մեկի կողմից` հաճախորդի ընտրությամբ: Գույքի գնահատման արժեքը կազմում է 7,000-30,000 ՀՀ դրամ՝ կախված գույքի տեսակից: Առանձին դեպքերում խոշոր գույքի գնահատման վճարը սահմանվում է պայմանագրային հիմունքներով:
Անշարժ գույքի և տրանսպորտային միջոցի գրավադրմամբ վարկավորման համար վարկառուի կողմից պարտադիր վճարման ենթակա վճարների ցանկը և դրանց չափը (միջակայքը).
- Նոտարական վճար՝ միանվագ 14,000-16,000 ՀՀ դրամ` տրանսպորտային միջոցի գրավադրման դեպքում
- Նոտարական վճար՝ միանվագ 13,000-18,000 ՀՀ դրամ` անշարժ գույքի գրավադրման դեպքում
- Նոտարական վճար՝ միանվագ 13,000-18,000 ՀՀ դրամ` հիմնական միջոցների գրավադրման դեպքում
- Միասնական տեղեկանք (անշարժ գույքի սահմանափակումների վերաբերյալ)՝ 10,000 ՀՀ դրամ
- Անշարժ գույքի գրավի իրավունքի գրանցման վկայական՝ 26,000 ՀՀ դրամ
- ՀՀ Ոստիկանության վճար (արգելանքի և շարժական գույքի գրավադրման համար)՝ միանվագ 5,000 ՀՀ դրամ
- Ապահովագրությունը կատարվում է համապատասխան մասնագիտացած կազմակերպության կողմից, ընդ որում գանձվում է միջնորդավճար համաձայն տվյալ կազմակերպության կողմից սահմանված սակագների և դրույքների, որոնք կարող են փոփոխվել՝ կախված շուկայի իրավիճակից: Ապահովագրավճարները տատանվում են հետևյալ միջակայքում՝
Հաճախորդի ցանկությամբ գույքի ապահովագրությունը Բանկի կողմից իրականացվելու դեպքում տոկոսադրույքը ավելացվում է Բանկի կողմից սահմանված վերադրի չափով, ընդ որում վերադիրները հետևյալն են՝ անշարժ գույք` 0.2%, ավտոտրանսպորտային միջոց` 2.5%, հիմնական միջոց` 0.5%:
[1]Ռեգրեսի իրավունքով ֆակտորինգ` հետադարձ պահանջի իրավունքով ֆակտորինգային գործառնություն:
Առանց ռեգրեսի իրավունքի ֆակտորինգ` առանց հետադարձ պահանջի իրավունքի ֆակտորինգային գործառնություն: