Օնլայն բանկինգ
Նախորդ տարբերակին անցում կատարելու համար սեղմել   այստեղ

Աշխարհի ցանկացած անկյունում, ցանկացած ժամի մենք քեզ հետ ենք և հոգ ենք տանում, որ քո բանկային գործարքները, առցանց վճարումները և հեռավար գործարքները կատարվեն մի քանի ակնթարթում ընդամենը մեկ հպումով, լինեն պարզ ու ապահով։ Կառավարի՛ր քո հաշիվները, կատարի՛ր անվտանգ փոխանցումներ և վճարումներ՝ առանց Բանկ գալու։

  • Քո բոլոր հաշիվները մեկ վայրում
  • Գործարքների անվտանգություն
  • Կոմունալ վճարումներ
  • Ծառայությունների օնլայն հայտեր

Հաշիվների 24/7 կառավարում

Օրվա բոլոր ժամերին դու կարող ես կառավարել քո բոլոր հաշիվները, կատարել փոխանցումներ քո հաշիվների միջև կամ ՀՀ տարածքում կամ դրա սահմաններից դուրս գործող այլ բանկի հաշվի, փոխանակել արտարժույթ, մարել վարկերը, վճարել կոմունալ ծառայությունների համար և շատ ավելին։ 

Իմանալ ավելին

Ապահով և անվտանգ

Տվյալների և տեղեկությունների գաղտնագրում, տվյալների պաշտպանություն երկակի նույնականացման միջոցով. մենք հոգ ենք տանում, որ քո գործարքները լինեն ապահով և անվտանգ։ Գործարքներ իրականացնելիս քեզ անհրաժեշտ է մուտքագրել ոչ միայն գաղտնաբառը/PIN կոդը, այլև մեկանգամյա գաղտնաբառը, որը գեներացվում է «VASCO Data Security» ընկերության «Digipass» սարքերի կամ «AmeriaToken» հավելվածի միջոցով:

Քո Բանկը քո ափի մեջ

Համակարգչին հասանելիություն չունենալը նույնպես խնդիր չէ։ Բանկային գործարքները հասանելի են նաև Ամերիա Մոբայլ բանկինգ անվճար հավելվածի միջոցով:

Իմանալ ավելին

Հասանելիություն QR-կոդով

Օնլայն բանկինգի քո էջը հասանելի է նաև բջջային հավելվածի գլխավոր էջում զետեղված QR-կոդով՝ առանց գաղտնաբառը հավաքելու անհրաժեշտության: Կոդից օգտվելու համար բավական է նախապես մուտք գործել բջջային հավելված:

Անվճար Օնլայն բանկինգ և քարտ

Ամերիաբանկում նոր հաշիվ բացելիս դու անմիջապես ստանում ես նաև Օնլայն և Մոբայլ բանկինգ ծառայություններն անվճար, ինչպես նաև «Visa Classic», «Master Card Standard» կամ ArCa Carrefour «Ժպիտ» քարտ՝ քո ընտրությամբ:

Ի՞նչ գործարքներ կարող եմ կատարել Օնլայն բանկինգով:

Օնլայն բանկինգը թույլ է տալիս զգալիորեն խնայել ժամանակը և կատարել հիմնական բանկային գործարքները՝ առանց Բանկ գալու: Օրինակ՝ կարող ես դիտել քո հաշիվների ընթացիկ մնացորդներն ու շրջանառությունը, վարկերի  ու ավանդների մնացորդները, մարման ժամանակացույցը, ծանոթանալ արտարժույթի փոխարժեքին: Օնլայն բանկինգի միջոցով կարելի է շատ արագ և հեշտ կատարել կոմունալ վճարումներ, Ameriastream փոխանցումներ, փոխանցումներ սեփական, ինչպես նաև այլ անձանց հաշիվների միջև: Համակարգի միջոցով դու կարող ես տարբեր ծառայությունների համար հայտեր ներկայացնել, օրինակ՝ կանխիկի տրամադրում, քարտի թողարկում, տեղեկանքներ կամ այլ փաստաթղթերի ստացում, խնայողական հաշվի և ավանդի բացում և այլն: 

Արդյոք Օնլայն բանկինգն ապահո՞վ է:

Այո՛, Օնլայն բանկինգն ապահով է և անվտանգ: Համակարգի անվտանգությունն ապահովելու համար կիրառվում են առցանց համակարգերի համար նույնականացման սարքեր արտադրող համաշխարհային առաջատար «VASCO Data Security» ընկերության «Digipass» սարքերը, ինչպես նաև «AmeriaToken» հավելվածը:

Ինչպե՞ս կարող եմ օգտագործել «Digipass» սարքը:

«Digipass» սարքը գեներացնում է համակարգ մուտք գործելու և փաստաթղթերը հաստատելու համար անհրաժեշտ մեկանգամյա գաղտնաբառեր, ինչը թույլ է տալիս ապահովել անվտանգության առավել բարձր մակարդակ և գործնականում նվազագույնի հասցնել այլ անձանց կողմից քո գաղտնաբառը որևէ կերպ պարզելու և օգտագործելու հավանականությունը:


Սարքից օգտվելու համար պետք է միացնել դրա վրա առկա կոճակը: Միացնելուց հետո սարքը գեներացնում է վեցանիշ թիվ, որը նախատեսված է համակարգ մուտք գործելու և փաստաթղթեր հաստատելու համար: Համակարգ մուտք գործելու համար օգտագործողի անունից և գաղտնաբառից բացի, անհրաժեշտ է համապատասխան դաշտում մուտքագրել սարքի գեներացրած մեկանգամյա օգտագործման համար նախատեսված վեցանիշ թիվը: Ստեղծված փաստաթուղթը հաստատելու համար պետք է մուտքագրել սարքի գեներացրած մեկանգամյա օգտագործման համար նախատեսված վեցանիշ թիվը և ստորագրել փաստաթուղթը:


Սարքը միացնելուց հետո 30 վայրկյանի ընթացքում սարքի անգործության դեպքում այն ավտոմատ անջատվում է:


Արգելվում է սարքը քանդել և/կամ ենթարկել ֆիզիկական որևէ ազդեցության:

Ի՞նչ պետք է անեմ, եթե սարքի գեներացրած կոդը համակարգը չի ընդունում:

Սարքի գեներացրած կոդը համակարգի կողմից չընդունվելու հնարավոր պատճառներն են.


  • սարքը երկար ժամանակ չի օգտագործվել, 
  • կոդը մի քանի անգամ սխալ է մուտքագրվել,
  • որևէ այլ պատճառով Բանկի կողմից սարքն արգելափակվել է: 

Նման դեպքերում խնդրում ենք դիմել մեզ:

Ի՞նչ պետք է անեմ, եթե սարքը կորցրել եմ:

Սարքը կորցնելու դեպքում խնդրում ենք այդ մասին անհապաղ հայտնել մեզ:

Ի՞նչ պետք է անեմ, եթե մոռացել եմ գաղտնաբառը:

Կարող ես ինքնուրույն վերականգնել գաղտնաբառը՝ պատասխանելով անվտանգության ապահովման համար համակարգի կողմից տրվող հարցերին: Եթե գաղտնաբառի վերականգնման հետ կապված խնդիրներ ունես, կա՛պ հաստատիր մեզ հետ, և մենք սիրով կօգնենք վերակագնել այն: 


Գաղտնաբառը վերականգնելու համար անհրաժեշտ է ունենալ լրացված անձնական տվյալներ, որոնք հնարավոր է լրացնել և/կամ փոփոխել «Կարգավորումներ» բաժնի՝ «Իմ տվյալները» ենթաբաժնում: Տվյալները լրացված չլինելու դեպքում գաղտնաբառն ինքնուրույն վերականգնել հնարավոր չէ, և պետք է զանգահարել կամ մոտենալ Բանկ:

Ծառայությունները

Սակագինը

Օնլայն բանկինգ/Մոբայլ բանկինգ համակարգով՝ հաշիվների քաղվածքներ և գործարքներ դիտելու, գործարքներ կատարելու իրավունքով՝ Մեկանգամյա ծածկագիր գեներացնող սարքի օգտագործմամբ

միանվագ 3,000 ՀՀ դրամ, ներառյալ՝ համակարգ մուտքագրվելու և գործարքներ հաստատելու համար մեկանգամյա ծածկագիր գեներացնող մեկ սարք

Օնլայն բանկինգ/Մոբայլ բանկինգ համակարգով՝ հաշիվների քաղվածքներ և գործարքներ դիտելու, գործարքներ կատարելու իրավունքով Ամերիա Թոքեն ծրագրային ապահովման կոդի օգտագործմամբ

միանվագ 1,000 ՀՀ դրամ, ներառյալ՝ համակարգ մուտքագրվելու և գործարքներ հաստատելու համար Ամերիա Թոքեն ծրագրային ապահովման մեկ կոդ

Ծածկագիր գեներացնող սարքի/Ամերիա Թոքենի, տրամադրում (կորցնելու կամ վնասելու դեպքում), սարքի տեսակի փոխարինում

1,000 ՀՀ դրամ, ներառյալ՝ ԱԱՀ

Օնլայն բանկինգ համակարգով հաճախորդի դիմումի համաձայն վճարման հանձնարարականի տվյալների փոփոխում և չեղյալ համարում

ՀՀ դրամ-500 դրամ

ՌԴ ռուբլի-10 000 դրամ

Այլ արտարժույթ-25 000 դրամ

Հաճախորդի վճարման հանձնարարականի հետ վերադարձ թղթակից բանկի կողմից

ՀՀ դրամ

Անվճար

ՌԴ ռուբլի

10,000 ՀՀ դրամ

Արտարժույթ

25,000 ՀՀ դրամ

Արտարժույթով հաշիվներ Ինտերնետ-Բանկինգ/Մոբայլ-Բանկինգ համակարգով բացելու դեպքում

անվճար

Քարտի վերաթողարկում Օնլայն բանկինգ/Մոբայլ բանկինգ համակարգի միջոցով (քարտի կորստի, վնասման, հափշտակման, PIN-ի կորստի կամ երրորդ անձանց հայտնի դառնալու դեպքում)

Arca Classic/Arca Mir - 1,000 ՀՀ դրամ

Visa Classic/MasterCard standard - 1,000 ՀՀ դրամ

Visa Gold/MasterCard Gold - 3,000 ՀՀ դրամ

Visa Platinum/MasterCard Platinum - 3,000 ՀՀ դրամ

Visa Infinite - 3,000 ՀՀ դրամ

Digipass GO 3 սարքից օգտվելու կանոնները

Ինտերնետ-Բանկ համակարգից օգտվող հաճախորդների համար բարձր մակարդակի անվտանգություն ապահովելու համար համակարգում կիրառված են VASCO Data Security ընկերության Digipass սարքերը: VASCO Data Security համաշխարհային առաջատարն է on-line համակարգերի համար իդենտիֆիկացիոն սարքեր արտադրող կազմակերպությունների մեջ:

Digipass GO 3 սարքը կարող է գեներացնել համակարգ մուտք գործելու և փաստաթղթերը հաստատելու համար անհրաժեշտ միանգամյա նշանաբաններ:

Ինչպես օգտվել Digipass GO 3 սարքից

Digipass GO 3 սարքը միացնելու կամ անջատելու համար պետք է սեղմել կոճակը: Եթե սարքի հետ ոչ մի գործողություն չի կատարվում, ապա այն 30 վայրկյան հետո ավտոմատ անջատվում է:

Digipass GO 3 սարքը միացնելուց գեներացվում է 6 նիշանի թիվ: Այդ թիվը կարող է օգտագործվել երկու նպատակով.

1. Համակարգ մուտք գործելու համար օգտագործողը բացի իր անուն/նշանաբան զույգից պետք է համապատասխան դաշտում մուտքագրի նաև Digipass GO 3 սարքի գեներացրած թիվը` միանգամյա նշանաբանը:

2. Փաստաթուղթը հաստատելու համար օգտագործողը պետք է մուտքագրի Digipass GO 3 սարքի գեներացրած թիվը համապատասխան դաշտում և ստորագրի փաստաթուղթը:

Ոչ մի դեպքում չի թույլատրվում բացել սարքը կամ ենթարկել ֆիզիկական այլ ազդեցությունների: