Հեռախոսային բանկինգ

Ինչպե՞ս ակտիվացնել ծառայությունը, եթե արդեն Ամերիաբանկի հաճախորդ եմ:

Եթե Ամերիաբանկի հաճախորդ ես, բայց դեռ չունես հեռախոսային բանկինգ, այցելի՛ր Ամերիաբանկի ցանկացած մասնաճյուղ՝ ծառայության պայմանագիրը ստորագրելու համար կամ լրացրու՛ ինտերնետ բանկինգի «Հեռախոս-Բանկ ծառայության հայտ-պայմանագիր»-ը: Պայմանագիրը ստորագրելուց հետո բջջային հաղորդագրությամբ քեզ կուղարկվի հեռախոսային ծառայությունից օգտվելու անհրաժեշտ գաղտնաբառը:

Ինչպե՞ս վարվել, եթե մոռացել եմ կամ կորցրել եմ հեռախոսային բանկինգի իմ գաղտնաբառը:

Հեռախոսային բանկինգի համար բջջային հաղորդագրությամբ տրամադրված գաղտնաբառը մոռանալու կամ կորցնելու դեպքում այցելի՛ր Ամերիաբանկի մոտակա մասնաճյուղ՝ քեզ հետ ունենալով անձը հաստատող փաստաթուղթ: Կարող ես նաև դիմել ինտերնետ բանկինգի միջոցով, կամ զանգել բանկ և բարեհաջող նույնականացում անցնելու դեպքում ստանալ գաղտնաբառը:

Կարո՞ղ եմ իմ հեռախոսային բանկինգի գաղտնաբառը փոխանցել մեկ այլ անձի՝ իմ փոխարեն հեռախոսով բանկային տեղեկություններ ճշտելու կամ գործարքներ կատարելու համար:

Հեռախոսային բանկինգի գաղտնաբառը քո բանկային տվյալների անվտանգությունն ապահովելու միջոցներից է։ Հետևաբար խորհուրդ չի տրվում այն փոխանցել այլ անձանց։ Միևնույն ժամանակ, համատեղ հաշիվ ունենալու դեպքում գաղտնաբառն անհրաժեշտ է բոլոր հաշվետերերին՝ հաշիվը հեռախոսային ծառայությամբ կառավարելու համար:

Հեռախոսային բանկինգ ծառայությունը հասանելի է երկուշաբթիից ուրբաթ՝ 09:00-20:00 ներառյալ, և շաբաթ օրերին՝ 10:00-ից 16:00 ներառյալ:

Հեռախոսային բանկինգի միջոցով տրամադրվող ծառայությունների համար գործում են հետևյալ սահմանաչափերը.

	Գործարքի տեսակ	1 գործարքի սահմանաչափ (ՀՀ դրամ կամ համարժեք արտարժույթ)
1	Ձայնային տեղեկատվության ստացում առկա հաշիվների վերաբերյալ հեռախոսակապի միջոցով	սահմանաչափ չի կիրառվում
2	Արտարժույթի առքուվաճառքի գործարք կատարելու նպատակով գործարքի մեծության (ծավալի) և փոխարժեքի սահմանում (համաձայնեցում) հեռախոսակապի միջոցով	սահմանաչափ չի կիրառվում
3	Ներբանկային փոխանցումներ հաճախորդի հաշիվների միջև	մինչև 10,000,000 ՀՀ դրամ
4	Ներբանկային փոխանցումներ այլ հաճախորդի հաշիվներին	մինչև 10,000,000 ՀՀ դրամ
5	Արտարժույթի անկանխիկ փոխարկում	մինչև 10,000,000 ՀՀ դրամ
6	ՀՀ այլ բանկեր կատարվող փոխանցումներ, եթե հաճախորդը նշված փոխանցումն արդեն իսկ կատարել է	մինչև 5,000,000 ՀՀ դրամ
7	ՀՀ այլ բանկեր կատարվող փոխանցումներ, եթե հաճախորդն առաջին անգամ է կատարում նշված փոխանցումը	մինչև 3,000,000 ՀՀ դրամ
8	Միջազգային փոխանցումներ	օրական առավելագույնը 2,000,000 ՀՀ դրամ
9	Կոմունալ վճարումներ	մինչև 1,000,000 ՀՀ դրամ

	Հեռախոսային բանկինգի միջոցով ներկայացվող վճարման հանձնարարականներ1
	Ընդունում	Փոխանցում	Ընդունում	Փոխանցում
ՀՀ դրամ	Մինչև ժամը 14:00	Նույն բանկային օրը	Ժամը 14:00-ից հետո	Հաջորդ բանկային օրը
ԱՄՆ դոլար	Մինչև ժամը 17:00	Նույն բանկային օրը	Ժամը 17:00-ից հետո	Հաջորդ բանկային օրը
Այլ արտարժույթ	Մինչև ժամը 16:00	Նույն բանկային օրը	Ժամը 16:00-ից հետո	Հաջորդ բանկային օրը

¹Հեռախոսային բանկինգի միջոցով ներկայացվող վճարման հանձնարարականները կատարվում են համաձայն ֆիզիկական անձ հաճախորդների համար Ամերիաբանկում սահմանված ստանդարտ սակագների:

Հեռախոսային բանկինգի միջոցով կարող ես կատարել քո առօրյա բանկային գործարքների մեծ մասը: Ծառայությունը հնարավորություն է տալիս ստանալու տեղեկություններ հաշվիդ վրա առկա գումարի վերաբերյալ, կատարել փոխանցումներ ինչպես քո հաշիվների միջև, այնպես էլ Ամերիաբանկում և այլ բանկերում հաշիվ ունեցող քո մտերիմներին ու ծանոթներին։ Հեռախոսային բանկինգի միջոցով նաև կարող ես կատարել քո կոմունալ վճարները, ինչպես նաև`

սահմանել արտարժույթի առքուվաճառքի նպատակով գործարքի գումարի չափը և համաձայնեցնել փոխարժեքը, ինչպես նաև կատարել անկանխիկ փոխարկում,
ստանալ տեղեկություն քո և Բանկի միջև կնքված պայմանագրերի և հասանելի ծառայությունների վերաբերյալ,
բացել նոր հաշիվ արդեն հաշվետեր լինելու դեպքում,
փակել առկա հաշիվը, եթե այն միակ գործող հաշիվը չէ,
սառեցնել, ապասառեցնել հաշիվը կամ կատարել սպասարկման հետ կապված այլ գործողություններ,
պատվիրել վճարային քարտ,
վերաթողարկել կամ փակել վճարային քարտը,
բլոկավորել կամ ապաբլոկավորել քարտը,
բողոքարկել գործարքը,
փոփոխել գործարքների սահմանաչափերը և սահմանափակումները,
ակտիվացնել կամ ապաակտիվացնել VBV ծառայությունը,
կատարել սպասարկման հետ կապված այլ գործողություններ,
ներգրավել նոր ավանդ,
համալրել գործող ավանդը,
դադարեցնել գործող ավանդը,
վաղաժամկետ մասնակի մարել գործող վարկը,
չեղարկել Բանկին տրված հանձնարարականները,
փոփոխել հեռախոսային բանկինգ ծառայությամբ Բանկին տրված հանձնարարականները,
փոփոխել Բանկում գրանցված անհատական տվյալները (բացառությամբ՝ հեռախոսահամարի)։

Обновлено 11.10.2021 16:30

Ինչպե՞ս ակտիվացնել ծառայությունը, եթե արդեն Ամերիաբանկի հաճախորդ եմ:

Ինչպե՞ս վարվել, եթե մոռացել եմ կամ կորցրել եմ հեռախոսային բանկինգի իմ գաղտնաբառը:

Կարո՞ղ եմ իմ հեռախոսային բանկինգի գաղտնաբառը փոխանցել մեկ այլ անձի՝ իմ փոխարեն հեռախոսով բանկային տեղեկություններ ճշտելու կամ գործարքներ կատարելու համար:

ԳԼԽԱՄԱՍԱՅԻՆ ԳՐԱՍԵՆՅԱԿ