Միջնորդավճարը գանձվում է ՀՀ դրամով՝ փոխանցման պահին գործող ՀՀ ԿԲ հաշվարկային փոխարժեքով: Անհասցե փոխանցումների միջնորդավճարները գանձվում են ֆիզիկական անձ հաճախորդների համար արագ դրամական փոխանցման համակարգերի համար սահմանված սակագներով:

Եթե գումարը փոխանցելուց հետո անհրաժեշտություն է առաջանում գումարը հետ պահանջել, ապա կատարվում է հարցում՝ պարզելու համար արդյոք հասցեատերը գումարն արդեն ստացել է, թե ոչ: Եթե հարցման արդյունքում պարզվում է, որ հասցեատերը դեռ չի ստացել այն, ապա դու պետք է լրացնես0 դիմում`  գումարը հետ ստանալու համար: Գումարը վերադարձվում է միայն փոխանցված գումարի չափով՝ առանց միջնորդավճարի: Միջնորդավճարը կարող է վերադարձվել միայն այն դեպքում, երբ դա նախատեսված է համապատասխան արագ դրամական փոխանցումների համակարգի կանոններով: Փոխանցված գումարը քեզ վերադարձվում է միայն միջնորդ բանկի կողմից Ամերիաբանկին տրամադրելուց հետո:

Եթե գումարը փոխանցելուց հետո պարզ է դառնում, որ փոխանցված տվյալներում առկա է սխալ, և հարցման արդյունքում պարզվում է, որ հասցեատերը գումարը դեռ չի ստացել, ապա կարող ես լրացնել դիմում¹ որտեղ նշվում է ուղղման ենթակա տվյալը: Ուղղումը կատարվում է յուրաքանչյուր համակարգի համար սահմանված կարգով: Քո դիմումի համաձայն`  արագ դրամական փոխանցումներում ցանկացած բնույթի փոփոխություններն իրականացվում են ուղղման վերաբերյալ դիմումը ներկայացնելու պահից մինչև 1 (մեկ) բանկային օրում, եթե գումարը դեռ վճարված չէ ստացող կողմին, ինչպես նաև եթե այլ բան նախատեսված չէ արագ դրամական փոխանցման տվյալ համակարգի կամ ստացող բանկի պայմաններով:

^{1 Դիմումի ձևը կարող ես տպել համապատասխան արագ դրամական փոխանցման համակարգի ծրագրից՝ ներառելով քո կողմից ներկայացված փոփոխված տվյալները:}

«MoneyGram» համակարգով փոխանցված գումարը ստացող կողմը կարող է ստանալ փոխանցման օրվանից սկսած 90 օրացույցային օրվա ընթացքում: Եթե ստացող կողմը նշված ժամկետում չի դիմում համապատասխան սպասարկման կետին գումարի ստացման համար, գումարի վերաբերյալ տեղեկատվությունը «MoneyGram» համակարգի բազայում արխիվացվում է, և գումարի ստացման կամ փոխանցողի կողմից գումարի հետկանչման համար անհրաժեշտ է դիմել «MoneyGram» համակարգի կոնտակտային կենտրոն: Եթե գումարի փոխանցման օրվանից անցել է 5 տարի, տվյալ գումարն այլևս ստացման ենթակա չէ: