Ի՞նչ է USSD ծառայությունը
Երբ կարիք ունես տեղեկություն ստանալու Բանկում գործող քարտերի մնացորդի կամ վերջին մի քանի գործարքների մասին, կամ էլ պետք է շտապ բլոկավորել քարտը, Ամերիաբանկի USSD (Unstructured Supplementary Service Data) բջջային ծառայությունը պարզ, արագ և հարմար տարբերակ է:
Հարցման արդյունքում հեռախոսի էկրանին արտաբերվող ցանկում արտացոլվում են նաև USSD ծառայությունը տրամադրող՝ Հայաստանում գործող և «ArCa» համակարգի անդամ այլ բանկերի կողմից թողարկված քարտերը, որոնք նույնպես գրանցված են տվյալ հեռախոսահամարի տակ:
Ծառայությունը հասանելի է «Բիլայն», «Վիվա-ՄՏՍ » և «Յուքոմ» բջջային կապի օպերատորների բաժանորդների համար:
Ամերիաբանկի քարտերի համար ծառայությունն անվճար է:
Քո բջջային հեռախոսաքարտը այլ անձանց հասանելի դառնալու արդյունքում տվյալ հեռախոսահամարի միջոցով այլ անձանց տեղեկությունների բացահայտման և/կամ այլ անձանց կողմից գործողությունների կատարման և դրանց հետևանքների/դրա հետևանքով առաջացած վնասի համար Բանկը որևէ պատասխանատվություն չի կրում:
Ծառայությունը կիրառելի է 2016 թ. դեկտեմբերի 10-ից: