Քեզ անհրաժեշտ է անձը հաստատող փաստաթուղթ և գործող բանկային քարտ՝ «ArCa», «Visa» կամ «Mastercard» քարտատեսակի։

Ծառայությունը հասանելի է ավտոմեքենաների սեփականատերերին, վարձակալող (ֆինանսական վարձակալության (լիզինգի) պայմանագիր ունենալու դեպքում) և ներմուծող անձանց (անկախ ավտոմեքենայի սեփականատեր լինելու հանգամանքից):

ԱՊՊԱ պայմանագրի առցանց կնքումից հետո ապահովագրության վկայագրի էլեկտրոնային տարբերակն անմիջապես կստանաս քո կողմից նշված էլեկտրոնային հասցեին: Անհրաժեշտության դեպքում ԱՊՊԱ պայմանագրի թղթային վկայագրի օրինակը կարող ես ստանալ վկայագիրը սպասարկող ապահովագրական ընկերության ցանկացած գրասենյակից:

Հաշվի առնելով այն հանգամանքը, որ ՀՀ Ճանապարհային ոստիկանության կողմից համապատասխան ավտոմեքենայի վերաբերյալ գործող ԱՊՊԱ պայմանագրի առկայությունը կամ բացակայությունը ստուգվում է ՀՀ Ճանապարհային ոստիկանության և ԱՊՊԱ տեղեկատվական համակարգերի միջև ժամանակի իրական ռեժիմում իրականացվող հարցումների միջոցով՝ դու պարտադրված չես ավտոմեքենաներում պահել ԱՊՊԱ վկայագրի թղթային կամ տպված տարբերակը։ Ուստիև ԱՊՊԱ պայմանագրի առցանց կնքման դեպքում դու որևէ խնդիր չես ունենա ՀՀ Ճանապարհային ոստիկանության հետ:

Ամերիաբանկի ինտերնետային կայքում ԱՊՊԱ պայմանագրի առցանց կնքման ընթացքում առաջացած խնդիրների դեպքում անհրաժեշտ է դիմել Ամերիաբանկ +374 10/12 561111 հեռախոսահամարով:

ԱՊՊԱ պայմանագրի առցանց կնքման ընթացքում հնարավոր սխալների բացառման նպատակով համակարգում առկա է քո կողմից մուտքագրված և բազայում սկզբնաղբյուր ծառայող տվյալների ստուգման մեխանիզմ: Ուստի ԱՊՊԱ պայմանագրի առցանց կնքման ընթացքում անհրաժեշտ է լինել ուշադիր և նշել հավաստի և ամբողջական տվյալներ՝ ԱՊՊԱ վկայագրի էլեկտրոնային տարբերակի ստացման և ԱՊՊԱ պայմանագրի հետագա սպասարկման հարցում հնարավոր խնդիրներից խուսափելու նպատակով: Այդուհանդերձ, եթե ԱՊՊԱ պայմանագիրը կնքվել է սխալ տվյալներով, ապա անհրաժեշտ է դիմել Ամերիաբանկ +374 10/12 561111 հեռախոսահամարով:

ԱՊՊԱ պայմանագիրն առցանց եղանակով կարող է կնքվել նվազագույնը 3 ամիս և առավելագույնը 1 տարի ժամկետով: Ընդ որում, առցանց եղանակով կնքվող ԱՊՊԱ պայմանագրերի երկարաձգումների քանակը սահմանափակված չէ: