1 Փաթեթի մեկ կամ մի քանի ծառայությունից հրաժարվելու դեպքում փաթեթի արժեքը չի փոխվում, իսկ հրաժարված ծառայությունների հետագայում մատուցման համար գործում են տվյալ ծառայությունների համար սահմանված միջնորդավճարները: Փաթեթից կարող են օգտվել այն հաճախորդները, ովքեր չունեն փաթեթում ներառված որևէ ծառայություն (չի տարածվում «Սմարթ» և «Ուսանողների համար» փաթեթների վրա):
2Առաջարկվում է VISA Classic կամ MasterCard Standard վճարային քարտ: Տրամադրվում է առանց տարեկան սպասարկման վճարի: Քարտի գործողության ժամկետը լրանալուց հետո վերաթողարկման դեպքում գանձվելու է միջնորդավճար` համաձայն բանկում այդ պահին գործող քարտերի սպասարկման սակագների և պայմանների:
3 Առաջարկվող քարտատեսակներից VISA Classic, MasterCard Standard կամ ArCa Carrefour Smile վճարային քարտ ընտրելու դեպքում այն տրամադրվում է առանց տարեկան սպասարկման վճարի, իսկ Visa Classic Moons քարտի համար գործում է տարեկան սպասարկման վճար` համաձայն Ամերիաբանկ ՓԲԸ Քարտերի սակագների:
4 «Ուսանողական» քարտը տրամադրվում է առանց տարեկան սպասարկման վճարի:
5 Բանկային ծառայություններից օգտվելիս անհրաժեշտ է բացել ՀՀ դրամով բանկային հաշիվ: Վճարային քարտ բացելից, խնայողական հաշիվ բացելիս, ժամկետային ավանդ ներդնելիս, պարտատոմս ձեռքբերելիս, վարկային պրոդուկտ ստանալիս, պահատուփ բացելիս, բրոքերային հաշիվ բացելիս, աշխատավարձային նախագծերի ներքո քարտ պատվիրելիս տվյալ ծառայության համար անհրաժեշտ հաշվի բացման միջնորդավճար չի գանձում
6 Միջնորդավճարը գանձվում է միայն առաջին դրամային հաշվի բացման համար:
7 Վճարային քարտ բացելիս, խնայողական հաշիվ բացելիս ,ժամկետային ավանդ ներդնելիս, պարտատոմս ձեռքբերելիս, վարկային պրոդուկտ ստանալիս, պահատուփ բացելիս, բրոքերային հաշիվ բացելիս տվյալ ծառայության համար անհրաժեշտ հաշվի բացման միջնորդավճար չի գանձվում
8 Բանկը յուրաքանչյուր աշխատանքային օրվա համար սահմանում է արտարժույթի առք և վաճառքի փոխարժեքներ, որոնք գործում են Բանկի աշխատանքային ժամերին: Հեռակառավարման համակարգերով հաճախորդների սպասարկման ընթացքում աշխատանքային ժամերից դուրս (մինչև ժամը 09:30 և ժամը 17:00-ից հետո), նաև ոչ աշխատանքային օրերին (այդ թվում նաև շաբաթ օրերին) ստացված արտարժույթի փոխանակման հայտերը Բանկի կողմից կարող են մերժվել:
9 Հաճախորդի որևէ բանկային հաշվի շրջանառությունը (այդ թվում քարտային) տարածվում է հաճախորդի մնացած բոլոր հաշիվների վրա (այս դրույթը գործում է միայն միջնորդավճարի գանձման տեսանկյունից): Ընդ որում, եթե հաճախորդը ունի միայն գործող քարտ, որին կցված է քարտային հաշիվ, ապա միջնորդավճարը չի գանձվում, իսկ փակված քարտի դեպքում, քարտային հաշվից միջնորդավճարը գանձվում է սակագնին համապատասխան: Միջնորդավճարը գանձվում է յուրաքանչյուր օրացուցային կիսամյակին հաջորդող երկու շաբաթվա ընթացքում:
Նախորդ 12 ամիսների ընթացքում բոլոր հաշիվներով շրջանառության բացակայության դեպքում հաճախորդի հաշվով դեբետագրումը սահմանափակվում է յուրաքանչյուր օրացուցային եռամսյակին հաջորդող երկու շաբաթվա ընթացքում:
Նախորդ 12 ամիսների ընթացքում հաշվով շրջանառության բացակայության և մնացորդի զրոյական լինելու դեպքում հաճախորդի հաշիվը փակվում է յուրաքանչյուր օրացուցային կիսամյակին հաջորդող երկու շաբաթվա ընթացքում, բացառությամբ այն
հաշիվների, որոնք անհրաժեշտ են Բանկի կողմից հաճախորդին մատուցվող այլ ծառայության սպասարկման համար: Հաշվի վարման միջնորդավճար չի գանձվում, եթե հաճախորդն ունի միայն բրոքերային և/կամ բանկային հաշիվ, որը բացվել և սպասարկվում է պահատուփի ծառայության տրամադրման համար: