Ամերիաբանկ ՓԲԸ

«Visa PaySticker»-ը գնումներն ու վճարումները հարմարավետ ու արագ կատարելու հնարավորություն է։ Պիտակն ամրացրո՛ւ սմարթֆոնիդ, դրամապանակիդ կամ անձնական որևէ այլ իրի, որը միշտ քեզ հետ է:

«Visa PaySticker»-ը հիմնական վճարային քարտին կից գործող «Visa» վճարային համակարգի «Visa» տեսակի քարտային պիտակ է։ Այն հնարավորություն է տալիս «Visa Pay Wave» տեխնոլոգիայով սարքավորման կիրառմամբ կատարելու վճարումներ և գնումներ անհպում եղանակով (contactless payment):

Պիտակը կարող ես օգտագործել ինչպես Հայաստանում, այնպես էլ Հայաստանից դուրս: Ի դեպ, մեր երկրում առևտրային կետերի մեծ մասում այս ծառայությունը հասանելի է։

Դու կարող ես.

միաժամանակ ունենալ քարտային մի քանի անհպում պիտակ՝ կցված հիմնական վճարային քարտին,
կատարել գործարքներ՝ անկախ ինտերնետ հասանելիությունից,
ստանալ հետվճար,
կատարել անվտանգ ու ապահով գնումներ և վճարումներ:

Սպասարկման վճար

3,000 ՀՀ դրամ տարեկան

Սահամանաչափ

20,000 ՀՀ դրամ՝ առանց PIN-ի օգտագործման¹

Վերաթողարկում

1500 ՀՀ դրամ՝ ստիկերի կորստի, վնասման, հափշտակման, PIN-ի կորստի կամ այլ անձանց հայտնի դառնալու դեպքում

¹Վերոնշյալ սահմանաչափից ցածր գործարքների/վճարումների համար PIN կոդի մուտքագրում չի պահանջվում։ Visa PaySticker-ի վրա սահմանված է օրական 5 անգամ առանց PIN կոդի մուտքագրման գործարքների/վճարումների կատարման հնարավորություն:

Ի՞նչ է «Visa PaySticker» պիտակը։

«Visa PaySticker»-ը «Visa» վճարային համակարգի «Electron» տեսակի անհպում կրիչով, միակողմանի կպչուն քարտային պիտակ է: Այն քեզ հնարավորություն է տալիս կատարելու անհպում գործարքներ քարտային հաշվին առկա միջոցներով: Այն կցվում է հիմնական վճարային քարտին: Այն կարող ես կցել թե՛ «Visa», թե՛ «Mastercard», թե՛ «ArCa» քարտերին¹։ Տրվում է քարտապանի (հիմնական քարտապան) դիմումի համաձայն հիմնական քարտապանի կամ երրորդ անձի (հավելյալ քարտապան) անունով:

^{1 Բացառություն են կազմում Ամերիաբանկի նվեր քարտերը, «ArCa» մաքսային և «Business» քարտերը։}

Ինչպե՞ս կարող եմ օգտագործել պիտակը:

Պիտակն oգտագործելու համար անհրաժեշտ է առանձնացնել մեջտեղի հատվածը և փակցնել դրամապանակին, սմարթֆոնին, պայուսակին կամ այլ իրի, որը մշտապես քեզ հետ է: Այն չի կարող ամրացվել այնպիսի առարկայի արտաքին մակերեսին, որն ունի հատուկ պաշտպանական մետաղական (ռադիոէկրանացված) մաս:

Ի դեպ, սմարթֆոնի կամ հեռախոսի պատյանի (բացառությամբ՝ մետաղական պատյանների) տակ տեղադրվելու դեպքում ևս պիտակն աշխատում է:

Ո՞րտեղ կարող եմ օգտագործել պիտակը:

Պիտակը վճարային միջոց է, որը կարող ես օգտագործել ինչպես Հայաստանում, այնպես էլ այլ երկրներում գործող վաճառքի և սպասարկման այն կետերում, որտեղ սպասարկվում են անհպում քարտեր:

Հայաստանում առևտրային կետերի ավելի քան 80%-ը սպասարկում է պիտակը: Շուտով այն հնարավոր կլինի օգտագործել նաև Ամերիաբանկի բանկոմատներում:

Արդյոք անհրաժե՞շտ է սմարթֆոնում ունենալ ինտերնետ հասանելիություն պիտակն օգտագործելու համար:

Ո՛չ: Վճարում կատարելու համար քեզ պետք կգա միայն պիտակը։ Սմարթֆոնի կամ այլ սարքի առկայությունը, դրանց լիցքավորված և/կամ ինտերնետին միացված լինելն անհրաժեշտ չէ:

Ավելին, ամեն անգամ գործարք կատարելիս Ամերիաբանկի Օնլայն/Մոբայլ բանկինգ մուտք գործելու և գործարքի գումարը հավաքելու կամ հաստատելու կարիք ևս չկա:

Պիտակն օգտագործելու համար պե՞տք է արդյոք նախապես ներբեռնել որևէ հավելված:

Ո՛չ: Լինելով «Visa» համակարգի միջազգային քարտային պիտակ` «Visa PaySticker»-ն աշխատում է առանց լրացուցիչ հավելվածի:

Պիտակով վճարում կատարելու դեպքում կարո՞ղ եմ օգտվել հետվճարի հնարավորությունից:

Այո՛: Քարտերով անկանխիկ գործարքների հետվճարի հնարավորությունը տարածվում է նաև պիտակով կատարվող գործարքների վրա: Հետվճարը վերադարձվելու է քո հիմնական քարտային հաշվին այնպես, ինչպես քարտով գործարքների դեպքում:

Պիտակն ունի՞ PIN կոդ:

Այո՛: «Visa PaySticker» պիտակն օգտագործելիս 20,000 ՀՀ դրամը գերազանցող յուրաքանչյուր գործարքի դեպքում անհրաժեշտ է մուտքագրել պիտակի համար նախատեսված PIN կոդը:

«Visa PaySticker» պիտակով առանց PIN-ի մուտքագրման գործարքների օրական (24 ժամվա ընթացքում) առավելագույն թիվը չի կարող գերազանցել 5-ը (հինգը): 20,000 ՀՀ դրամը չգերազանցող 6-րդ (վեցերորդ) գործարքը ենթակա է մերժման: Իսկ 20,000 ՀՀ դրամը գերազանցող գործարքների համար PIN կոդը մուտքագրելու դեպքում որևէ սահմանափակում չկա:

Հնարավո՞ր է արդյոք պիտակի միջոցով գործարք կատարել առանց իմ իմացության:

Առանց քո իմացության պիտակից անհպում եղանակով գումարներ ելքագրել հնարավոր է միայն POS տերմինալը պիտակին շատ մոտ պահելու դեպքում, ինչը գրեթե անհնար է աննկատ իրականացնել:

Հայաստանում ցանկացած POS տերմինալ կցվում է որևէ գրանցված տնտեսվարող սուբյեկտի հաշվեհամարի, ինչը նշանակում է, որ առանց քո իմացության պիտակից անհպում եղանակով գումար ելքագրելու (օրինակ` պայուսակում կամ հագուստի գրպանում գտնվելիս) կամ այլ զեղծարարության դեպքում նշված տնտեսվարող սուբյեկտը կենթարկվի քրեական պատասխանատվության:

Եթե քո հաշվից առանց քո իմացության և ցանկության գումարներ են ելքագրվել կամ այլ զեղծարարության կասկած ունես, անմիջապես կա՛պ հաստատիր մեզ հետ:

Կարո՞ղ եմ փոխել 20,000 ՀՀ դրամի սահմանաչափը:

Առանց PIN-ի օգտագործման մեկ գործարքի 20,000 ՀՀ դրամ սահմանաչափը որոշված է «Visa» ընկերության կողմից և գործում է Հայաստանում կիրառվող բոլոր քարտերի համար: Այդ պատճառով սահմանաչափը փոխել հնարավոր չէ:

Որպես հիմնական քարտին կից քարտ՝ պիտակն ունի կից քարտերի համար գործող ընդհանուր ամսական կամ օրական սահմանաչափերի նշանակման հնարավորություն:

Կա՞ն արդյոք պիտակի օգտագործման սահմանափակումներ:

«Visa PaySticker»-ը նախատեսված չէ համացանցում գործարքներ իրականացնելու համար:

Ի՞նչ պետք է անեմ պիտակը կորցնելու դեպքում:

Պիտակը կորցնելու դեպքում անհրաժեշտ է կապ հաստատել մեզ հետ և բլոկավորել պիտակը: Կարող ես նաև ինքդ բլոկավորել այն USSD ծառայության կամ Օնլայն բանկինգի միջոցով:

Կարո՞ղ եմ օնլայն գնումներ կատարել «Visa PaySticker»-ով:

Ո՛չ, «Visa PaySticker»-ը նախատեսված չէ համացանցում գործարքներ իրականացնելու համար:

Թարմացված է 02.12.2021, 09:55