Ներդրումների անցյալ vs ներկա
Պատկերացրու` ապրում ես հեռավոր 1980-ականներում. պատրաստվում ես ներդրում կատարել ու գնել X ընկերության բաժնետոմս: Վարձում ես միջնորդ, պայմանավորվում նրա հետ ու գնում-հասնում «ներդրումային շուկա»` արժեթուղթ գնելու համար: Գնում ես ու տեսնում, որ փակ է: Վերջ. այդ օրդ ներդրումների համար ավարտված է:
Այո, մի ժամանակ ներդրումներով զբաղվելն իսկական «գլխացավանք» էր: Բայց դա հեռավոր 80-ականներին էր: Հիմա տեղափոխվենք 2024թ.։
Մինչ դու կարդում էիր այս բլոգը, ինչ-որ մեկը իր հեռախոսով գնեց բաժնետոմս ու դարձավ խոշոր ընկերության բաժնետեր: Ու դա ամենևին էլ «կույր» գնում չէր, որովհետև նա տեսել էր ընկերության ֆինանսական ցուցանիշները վերջին տարում: Բոլոր փոփոխությունները նրա աչքի առաջ են. նա հստակ գիտի, թե այս պահին ինչ արժեն իր բաժնետոմսերը: Դա նշանակում է, որ նա կարող է ճիշտ պահի վաճառել դրանք ու մեծ գումար աշխատել: Իսկ բաժնետոմսերը կարող են շատ աճել, եթե խելամիտ ներդրում կատարես: Դիտարկենք Apple-ի օրինակը: 1980-ին Apple-ի մեկ բաժնետոմսի գինը 22$ էր: Նրանք, ովքեր կատարել էին թեկուզ 500$-ի ներդրում, հետագայում միլիոններ են վաստակել իրենց ներդրումից: 1980-ականներից ի վեր Apple-ի 1 բաժնետոմսի գինն աճել է 2302 անգամ:
Ո՞վ կարող է ներդրում կատարել
Առաջին բանը, որ շատերը մտածում են ներդրումների մասին լսելիս, «Իմ խելքի բանը չէ» կամ «Գումարս չի հերիքի»: Սա գուցե ճիշտ լիներ նույն 80-ականներին, բայց ոչ հիմա: Բացատրենք` ինչու:
Գումարը խնդիր չէ: Այսօր դու կարող ես ներդնել գրեթե ցանկացած գումար։ Ներդրումներն ամենևին էլ միայն ապահովված մարդկանց գործը չեն: Պարզ է` որքան շատ ներդրում կատարես, այնքան ավելի մեծ շահույթ ունենալու հնարավորություն կստանաս: Բայց ներդրում կատարել կարող է ցանկացածը:
Մեծ միջնորդավճարներ չկան: Թվային հարթակների առավելությունն այն է, որ դու ես քո ներդրումների տերը. այլ անձանց հետ կապված չես ու պարտավոր չես վճարել նրանց: Եթե ուզում ես վարձել պրոֆեսիոնալ մեկին, ով կզբաղվի քո ներդրումներով, այլ հարց է: Բայց ընտրությունը քոնն է:
Ամեն ինչ օնլայն է: Ներդրում կատարելու համար ստիպված չես քեզ նեղություն տալ, ժամանակ կորցնել ու ինչ-որ տեղ գնալ: Ամեն ինչ հասանելի է օնլայն և անգամ քո հեռախոսում: Հեռախոսով գնում ես, հեռախոսով հետևում գնային փոփոխություններին, հեռախոսով էլ վաճառում երբ պետք է:
Եթե ուզում ես ծանոթանալ ներդրումային կյանքը հեշտացնող նորարար լուծումներին, կարող ես հոկտեմբերի 4-ին, 5-ին կամ 6-ին մասնակցել տարածաշրջանի ամենամեծ տեխնոլոգիական ցուցահանդեսին` DigiTec-ին: Կծանոթանաս հայկական ներդրումային հարթակներին, կիմանաս ավելին ներդրումների մասին և կմասնակցես հետաքրքիր խաղերի ու նվերներ կստանաս:
Հնարավո՞ր է կորցնել ողջ գումարը
Պատկերացրու` ունես 5000$: Այդ 5000$-ն ուղարկում ես 5 տարբեր ուղղաթիռներով (ամեն ուղղաթիռում` 1000$): Որքա՞ն հավանական է, որ այդ 5 ուղղաթիռներն էլ վթարի կենթարկվեն, ու դու կկորցնես քո ամբողջ գումարը: Այ հենց նույնքան է քո ներդրած ողջ գումարը կորցնելու հավանականությունը, եթե ներդրումային պորտֆել ես ստեղծում. ներդրումային տերմիններով ասած` դիվերսիֆիկացնում ես ներդրումներդ: Ի՞նչ է սա նշանակում է: Դու քո 5000$-ը ներդնում ես ոչ թե մեկ, այլ տարբեր ու իրար հետ չկապված ընկերություններում: Եթե մի ընկերության գործերը վատանան, դու չես կորցնի քո ողջ գումարը, որովհետև գումարիդ միայն մի մասն ես այդտեղ ներդրել: Օրինակ` COVID 19-ի ժամանակ ավիաընկերությունները լուրջ կորուստներ կրեցին, փոխարենը մեծ շահույթ էին ստանում դեղատները: Նրանք, ում ներդրումային պորտֆելում առկա էին և´ ավիաընկերությունների, և´ դեղատների բաժնետոմսեր, այդքան էլ սուր չզգացին COVID-ի ազդեցությունը. դեղատների բաժնետոմսերի աճը փոխհատուցեց ավիաընկերությունների բաժնետոմսերի անկումը: Այնպես որ, պետք է դիվերսիֆիկացված պորտֆել կազմել: Գրագետ ներդրումային պորտֆել կազմելու մասին առավել մանրամասն կարող ես կարդալ մեր «Ինչպե՞ս նվազեցնել ներդրումային ռիսկերը» հոդվածում:
Ինչի՞ց սկսել
Ենթադրենք, որոշել ես քո խնայած գումարով ներդրումներ կատարել: Ինչի՞ց սկսել:
Նախ պիտի հասկանաս` որտեղ ներդրում կատարել: Դրա համար պիտի մի փոքր ուսումնասիրես շուկան, որ ընտրես մեծ պոտենցիալ ունեցող ընկերություններ: Քեզ պետք են որոշ հարթակներ ու գործիքներ, որոնք կօգնեն հետևել բաժնետոմսերի գների փոփոխություններին, շուկայի նորություններին, ծանոթանալ վերլուծություններին: Ներդրումների վերաբերյալ 10+ լավագույն հարթակների ու գործիքների մասին կարող ես կարդալ այստեղ: Իսկ հայալեզու բովանդակության համար հետևիր մեր տելեգրամյան ալիքին: Այստեղ մենք պարբերաբար հրապարակում ենք նորություններ, ուսուցողական նյութեր, ներդրումային գաղափարներ, գրաֆիկներ ու աղյուսակներ, որ դու պատկերացնես, թե ինչ է կատարվում ներդրումների աշխարհում:
Եթե արդեն որոշել ես` որտեղ կարելի է ներդրում կատարել, ընտրիր ներդրումներով զբաղվելու վստահելի հարթակ: MyAmeria հավելվածի MyInvest բաժնում կարող ես բացել բրոքերային հաշիվ 5 րոպեում: Այստեղ կգտնես 30+ շուկաների ավելի քան 20 000 արժեթղթեր: Ընդամենը պետք է ներքևի աջ անկյունում սեղմել MyInvest, այնուհետև «Ինչ գնել» կոճակը, ընտրել արժեթուղթը և կատարել գործարքը: MyInvest-ից օգտվելու ամբողջական ուղեցույցին կարող ես ծանոթանալ այստեղ:
