Դե ինչ, եթե որոշել ես տուն գնել և օգտվել եկամտային հարկի վերադարձի հնարավորությունից, ճիշտ տեղում ես: Ընդամենը 3 րոպեում դու կիմանաս այն ամենը, ինչ պետք է․ ովքե՞ր կարող են դիմել, ի՞նչ փաստաթղթեր են անհրաժեշտ և ինչպե՞ս դիմել: 

Ովքե՞ր կարող են օգտվել օրենքից 

Եկամտային հարկի վերադարձից օգտվելու համար դու պետք է ունենաս գրանցված աշխատանք և գնես տուն անմիջապես կառուցապատողից (կամ կառուցես ինքդ): Միայն թե ձեռք բերվող գույքի գինը չպետք է գերազանցի 55 մլն դրամը, իսկ վերադարձվող եկամտային հարկի 3 ամսվա հանրագումարը` 1,5 մլն դրամը: Գլխավոր սահմանափակումը տարածքային է: Երևանի մի շարք շրջաններում արդեն չես կարող  օգտվել եկամտային հարկի վերադարձից: Օրինակ` Կենտրոնում, Արաբկիրի և Քանաքեռ-Զեյթունի որոշ հատվածներում օրենքն այլևս չի գործում: 2025թ. հունվարի 1-ից օրենքը չի գործելու Երևանում ձեռք բերվող գույքի համար, իսկ մարզերում այս հնարավորությունից կարող ես օգտվել մինչև 2029թ. ներառյալ։

Ի՞նչ փաստաթղթեր են անհրաժեշտ
Եկամտային հարկի վերադարձից օգտվելու համար նախ պետք է հարկային մարմին ներկայացնես հետևյալ փաստաթղթերը`

• Անձը հաստատող փաստաթուղթ
• Հանրային ծառայությունների համարանիշ (ՀԾՀ)
• Հիփոթեքային վարկի պայմանագրի բնօրինակ կամ նոտարով հաստատված պատճենը և մարման ժամանակացույցը: Իսկ եթե գույք ես գրավադրել, նաև այդ գույքի սեփականության վկայականը 
• Տեղեկանք կառուցապատողից, որը հավաստում է, որ գույքը ձեռք է բերվել անմիջապես իրենից
• Առուվաճառքի կամ գնման իրավունքի պայմանագիր

Փաստաթղթերը կարող ես անձամբ ներկայացել մոտակա հարկային մարմին կամ ուղարկել փոստով:

Ինչպե՞ս հետ ստանալ եկամտային հարկը

Նախ պիտի մուտք գործես Պետական եկամուտների կոմիտեի կայք և գրանցվես «Անհատական հաշիվների տեղեկատվական պորտալ» բաժնում: Գրանցվել կարող ես մի քանի եղանակով:

Եթե ունես էլ. ստորագրություն 

1. ՊԵԿ-ի կայքից ընտրի′ր «Անհատական հաշիվների տեղեկատվական պորտալ» բաժինը և սեղմի′ր «Գրանցվել»
2. Լրացրո′ւ հայտն ու ներբեռնի′ր այն
3. Դի′ր էլ. ստորագրությունը, այնուհետև հետ բեռբնի′ր ստորագրված տարբերակը և ուղարկի′ր

Եթե չունես էլ. ստորագրություն
 
secretariat@petekamutner.am էլ. հասցեին ուղարկի′ր անձը հաստատող փաստաթուղթ, ՀԾՀ-դ և դիմումդ: Կամ էլ այցելի′ր հարկ վճարողների սպասարկման բաժին, ներկայացրո′ւ գրանցման դիմումն ու նշված փաստաթղթերը։ 
Այս ամենից հետո քո էլ. հասցեին կստանաս հղում, որով կարող ես մուտք գործել «Անհատական հաշիվների տեղեկատվական պորտալ» և ավարտել գրանցումը: 
Եկամտային հարկդ ստանալու համար պետք է ուղղակի մուտք գործել պորտալի քո էջ և «Եկամտային հարկի վերադարձի դիմումների գրանցամատյան» բաժնում ստեղծել նոր դիմում: Ուղղակի կնշես հեռախոսամարդ, հաշվետու ժամանակահատվածը և հաշվեհամարդ: Վերջ. գումարը նշված հաշվեհամարին կստանաս մինչև 3 աշխատանքային օրում:

Գործընթացն առավել պատկերավոր ներկայացված է ՊԵԿ-ի հոլովակում:

Իսկ եթե չես կողմնորոշվում` ինչ բնակարան կամ կառուցապատող ընտրել, այդ հարցում էլ քեզ կօգնենք: Մո′ւտք գործիր estate.ameriabank.am հարթակ, ընտրի′ր տունդ 100+ նորակառույցից և ձևակերպի′ր վարկդ օնլայն: 

Ի դեպ, արի estate.ameriabank.am ու ընդամենը հինգ րոպեում իմացիր, թե բանկը քեզ որքան գումարի հիփոթեքային վարկ կտրամադրի։