Խելամտորեն օգտագործիր սոցիալական մեդիան

Այսօր բիզնեսը տեսանելի է դառնում ճիշտ մարքեթինգի շնորհիվ, այս դեպքում`  թվային մարքեթինգի:

Հստակեցրու թիրախային լսարանդ
Իմանալով քո թիրախային լսարանի տարիքը, հետաքրքրությունները, պահանջները և կարիքները`  կկարողանաս ստեղծել ճիշտ բովանդակություն։ Բովանդակությունը ստեղծիր մեկ կամ երկու հարթակի համար, որտեղ քո թիրախային լսարանն ամենաակտիվն է։ Այսպես նաև ժամանակ կխնայես։ 

Կատարիր փոքր, բայց հստակ գործողություններ

Նոր բիզնեսի հաջողության հիմքում կայունությունն ու պատասխանատվությունն է: 

• 📌 Պլանավորիր բովանդակությունն առնվազն մեկ շաբաթ առաջ
• 📌 Պահպանիր հրապարակման ինտենսիվությունը. օրինակ՝ շաբաթական 3 հրապարակում և 3 սթորի
• 📌 Յուրաքանչյուր հրապարակման վերջում ավելացրու գործողության կոչ (Call to Action). Օրինակ`«Պատվիրիր հիմա», «Գրիր էջին» կամ «Ուղարկի'ր ընկերոջդ»։

Քո էջը պետք է լինի ոչ միայն գեղեցիկ, այլև վստահելի

Սկսնակները հաճախ կենտրոնանում են էջի վիզուալ կոնտենտի գրավչության վրա, բայց կարևոր այլ կետեր էլ կան, որոնց պետք է ուշադրություն դարձնել:

• 🌍 Լրացրու բիզնեսիդ բոլոր տվյալները (հասցե, հեռախոս, կայք, վճարման եղանակներ)
• 🌍 Տեղադրիր իրական մարդկանց կարծիքներ, հաճախորդների կողմից արված լուսանկարներ
• 🌍 Ցույց տուր`  ինչ է կատարվում «կուլիսների հետևում», ինչպես է ստեղծվում ապրանքը, ինչպես ես փաթեթավորում այն, կազմակերպում առաքում, եթե թիմ ունես`  ինչպիսին է այն

Հավաքագրիր հաճախորդների տվյալները

Դեռ կայք չունե՞ս. խնդիր չէ։

• 🟢 Օգտագործիր Google Form կամ Jotform պատվերների համար
• 🟢 Ստեղծիր Mini Chatbot կամ Instagram DM auto-reply՝ հաճախ տրվող հարցերին պատասխանելու համար
• 🟢 Պահպանիր հաճախորդների տվյալները Excel-ում կամ Notion-ում

Փորձարկիր գովազդը փոքր գումարներով և համագործակցիր միկրո ինֆլուենսրների հետ:

• 🔵 Մի սպասիր, որ ունենաս մեծ բյուջե։ Սկսիր, օրինակ, օրական $3-5 բյուջից, բայց փորձարկիր տարբեր ֆորմատներ, CTA-ներ։ 
• 🔵 Համագործակցիր միկրո (3K–20K հետևորդ ունեցող)  ինֆլուենսերների հետ․ նրանք ավելի բարձր ներգրավվածություն են ապահովում նեղ լսարայի շրջանում և համեմատաբար ավելի ցածր գին առաջարկում:

Ամեն շաբաթ վերլուծիր`

• ✔️ որ հրապարակումներն են ավելի շատ ներգրավվածություն ապահովում,
• ✔️ որ ժամերն են ամենաակտիվը,
• ✔️ որ թեմաները և reel-երն են ավելի շատ արձագանք ստանում 

Այս տվյալները քեզ կհուշեն՝ ինչը պետք է կրկնել, ինչը՝ փոխել։

🙂 Եղիր համբերատար ու հետևողական

Հոբբին բիզնես դարձնելը մեկ օրվա գործ չէ։ Շարունակիր փորձել, սովորել և լսել քո հաճախորդներին։ Հիշիր`  ամեն վաճառքի, յուրաքանչյուր արձագանքի հետևում կա հաջողության նոր հնարավորություն։