Եթե մտքովդ անցել է ներդրում կատարել, բայց չգիտես` ինչից սկսել, դու ճիշտ տեղում ես:

Նկատե՞լ ես` վերջերս Հայաստանում շատ են խոսում ներդրումների մասին: Արևմուտքում ներդրումներն արդեն իսկ մարդկանց կյանքի անբաժան մասն են: Մենք էլ կարծես սկսում ենք հասկանալ` եթե կարելի է լրացուցիչ եկամուտի աղբյուր ստեղծել, ինչո՞ւ չանել դա: Պետք է միայն ճիշտ կառավարել այն գումարը, որն ունես հիմա: Ի վերջո դու ես որոշում` դրանով նոր հագո՞ւստ կգնես, թանկարժեք պայուսա՞կ, որից մի քանի ամսից կհոգնես, թե՞ ներդրում կկատարես և պասիվ եկամուտ կունենաս: Գումարդ ինքն իրեն կավելանա, դու էլ քեզ ավելի հանգիստ կզգաս, որ աշխատավարձից կախված չես:

Գիտենք`   հիմա մտածում ես. «Ասելը հեշտ է: Ախր ներդրումների հարցում փորձ չունեմ»։ Հիմա շունչ քաշիր. այսօր Ամերիա բլոգում պատմում ենք` ինչպես կարող ես 5 րոպեում մի ամբողջ ներդրումային պորտֆել ունենալ և դարձնել այն քո լրացուցիչ եկամուտի աղբյուրը:

Ի՞նչ է ներդրումային պորտֆելը

Ներդրումներ կատարելիս դու կարող ես գնել մեկ արժեղթուղթ և բավարարվել դրանով. ընտրությունը քոնն  է: Բայց ինչո՞ւ են մասնագետները խորհուրդ տալիս հենց պորտֆել ստեղծել: Նախ` ներդրումային պորտֆելը քո գնած բոլոր պարտատոմսերի,  բաժնետոմսերի և այլ ակտիվների ամբողջությունն է: Պորտֆելներում արժեթղթերը կարող են տարբեր հարաբերակցություն ունենալ: Մեկում կարող են գերակշռել պարտատոմսերը, մյուսում` բաժնետոմսերը, մեկում կարող են հավասար լինել:

Հիմա բացատրենք, թե որն է տարբերությունը:

Ամեն արժեթուղթ ունի իր առանձնահատկությունները. օրինակ` բաժնետոմսերը կարող են շատ մեծ շահույթ բերել, բայց նաև ռիսկային են, որովհետև գինն էլ, շահույթն էլ կարող են կտրուկ իջնել: Պարտատոմսերը ավելի ապահով արժեթղթեր են. դրանց բերած շահույթն այնքան էլ մեծ չէ, բայց փոխարենը կայուն է:  Բաժնետոմսերի ու պարտատոմսերի առանձնահատկությունների մասին առավել մանրամասն կարող ես կարդալ այստեղ:

Պորտֆել կազմելիս պիտի աշխատես տարբեր ու իրար հետ չկապված ընկերությունների արժեթղթեր գնել, ներդրումային տերմիններով ասած` դիվերսիֆիկացնես պորտֆելդ: Այս դեպքում քո պորտֆելի ընդհանուր եկամտաբերությունը մեկ ընկերությունից կախված չի լինի: Եթե այդ ընկերության գործերը վատանան, դրանից չես տուժի, քանի որ մի քանի ընկերությունում ես ներդրում կատարել: Պորտֆելը դիվերսիֆիկացնելու մասին առավել մանրամասն կարող ես կարդալ մեր այս հոդվածում: 

Որպեսզի քեզ համար ճիշտ պորտֆել ընտրես, պետք է հասկանաս, թե ինչ ես ուզում և ինչի ես պատրաստ: Հիմա կծանոթանանք ներդրումային պորտֆելների տեսակներին ու կհասկանանք` որն է քեզ պետք:
 

Ներդրումային պորտֆելների ի՞նչ տեսակներ կան

Ներդրումների մասնագետները տարբեր ժամանակներում առաջարկել են պորտֆելների որոշակի «կազմություններ», որոնք լուծում են տարբեր խնդիրներ: Ներկայացնենք դրանցից մի քանիսը:

«Բոլոր եղանակների պորտֆել»: Հայտնի ներդրող Ռեյ Դալիոն ստեղծել է պորտֆել, որը կարողանում է դիմանալ շուկայի բոլոր «եղանակներին»: Սա միջին ռիսկայնության պորտֆել է, որի մոտ 30%-ը բաժնետոմսեր են, մոտ 40%-ը երկարաժամկետ և մոտ 20%-ը միջնաժամկետ պարտատոտմսեր են + ոսկի և ապրանքահումքային ակտիվներ: Այս պորտֆելի կառուցվածքը թույլ է տալիս, որ տնտեսական ցանկացած իրավիճակում պորտֆելից ստացված եկամուտը կայուն լինի:

«Հավերժական պորտֆել»: Հարի Բրաունի առաջարկած այս պորտֆելում հավասարապես ներառված են բաժնետոմսեր, երկարաժամկետ պարտատոմսեր, ոսկի և դրամի շուկայի ֆոնդեր կամ կարճաժամկետ պարտատոմսեր: Այս պորտֆելն էլ կենսունակ է ցանկացած տնտեսական իրավիճակում` ճգնաժամից մինչև տնտեսական աճ:

Բարձր աճի պորտֆել: Եթե ուզում ես մեծ շահույթ ստանալ և պատրաստ ես ռիսկի դիմել, այս պորտֆելը քեզ համար է: Պորտֆելի 60+%-ը կազմում են բաժնետոմսերը, իսկ մնացածը հայկական շուկայի պարտատոմսեր ու ոսկի են: Քանի որ վերջին երկուսը համեմատաբար կայուն գործիքներ են, դրանք որոշակիորեն մեղմում են ընդհանուր պորտֆելի ռիսկայնությունը:

Հավասարակշռված պորտֆել: Այս պորտֆելն ունի ռիսկի և եկամտաբերության միջին մակարդակ: Բարձր ռիսկային մասն արագ աճող ընկերությունների բաժնետոմսերն են, իսկ ցածր ռիսկային մասը հայկական ընկերությունների պարտատոմսերը: Եթե մեծ ռիսկի չես ուզում դիմել, բայց միայն կայունության հետևից էլ չես վազում, կարող ես ընտրել հավասարակշռված պորտֆելը:

Ցածր ռիսկային պորտֆել: Եթե ուզում ես ունենալ չափավոր և կայուն եկամուտ` առանց ռիսկի դիմելու, քեզ կհետաքրքրի այս պորտֆելը: Պորտֆելի մեծ մասը (70%) հայկական շուկայի պարտատոմսեր են և միայն 30%-ն ամերիկյան ամենախոշոր 500 ընկերությունների բաժնետոմսերը:

Դրամային պորտֆել: Սա էլ ամենից «ապահով» պորտֆելներից է: Այն ամբողջապես կազմված է հայկական շուկայի պարտատոմսերից: Այնպես որ, կարող ես գնել դրամով և ստանալ կայուն եկամուտ քո ներդրումից:

Ինչպե՞ս ձեռք բերել պատրաստի ներդրումային պորտֆել

Պարզվում է` ներդրումային պորտֆել ունենալու համար կարիք չկա երկար-բարակ ուսումնասիրություններ անել, համեմատել արժեթղթերը, ընտրել տեսակը: Հետո էլ ստիպված չես դիվերսիֆիկացնել պորտֆելդ, եթե լավ չգիտես, թե դա ինչպես են անում: Դա քո փոխարեն արդեն արել են մասնագետները. նրանք ստեղծել են պատրաստի ներդրումային պորտֆելներ: Քեզ մնում է միայն ընտրել քո նպատակներին համապատասխան պորտֆելը և գնել այն մեկ հպումով:

Պատրաստի ներդրումային պորտֆելները հասանելի են միայն MyAmeria հավելվածի MyInvest հարթակում: Այնտեղ կգտնես բոլոր այն պորտֆելները, որոնց մասին խոսել ենք, յուրաքանչյուրի նկարագրությունը, եկամտաբերությունը և գինը: Սեղմելով պորտֆելի վրա` կտեսնես, թե ինչ արժեթղթեր են ներառված այնտեղ և ինչ չափով:

Պատրաստի պորտֆել գնելու համար նախ պետք է ներբեռնել MyAmeria հավելված, ներքևի աջ անկյունում սեղմել MyInvest և բացել բրոքերային հաշիվ մի քանի րոպեում: Այնուհետև «Ինչ գնել» բաժնում տես «Պատրաստի պորտֆելներ» և գնիր քո նախընտրածը մեկ հպումով:

Իսկ եթե արդեն ունես MyAmeria հավելված, պարզապես թարմացրու այն, որ դու էլ կարողանաս օգտվել պատրաստի պորտֆել գնելու բացառիկ հնարավորությունից: