Այս գեղեցիկ օրվա առթիվ մենք առանձնացրել ենք մի քանի հմտություններ, որոնք կօգնեն քեզ ավելի արագ ինտեգրվել ուսանողական կյանքին, հեշտությամբ հաղթահարել այն մարտահրավերները, որոնք սպասում են քեզ:
✔️ Ժամանակի կառավարում
Օրացույցը քո օգնականն է: Միˊ զլացիր ու պլանավորիˊր օրվա, շաբաթվա, գուցե ամսվա անելիքներդ: Կազմիˊր օրացույց, որը կներառի քո բոլոր դասաժամերն ու դասերդ սերտելու համար հատկացված ժամանակահատվածը, հոբբիները, ընկերների հետ ժամանցը, ինչպես նաև հանգիստդ: Համալսարանում սովորելը նույնն է, ինչ ամբողջ դրույքով աշխատանքը․ երևի արդեն հասկացել ես:
✔️ Սթրեսի կառավարում
Քննություններ, հսկայական նյութ, որ պետք է սովորել հաջորդ օրվա համար, էսսեներ, ռեֆերատներ և այլն։ Շատ ուսանողներ սթրեսի են ենթարկվում հատկապես քննական շրջանում։ Մասնագետները խորհուրդ են տալիս բավարար ժամանակ տրամադրել հանգստին, որպեսզի ուժասպառ չլինես, ուղղորդես քո էներգիան ճիշտ ուղղությամբ և կարողանաս հաղթահարել քննական լարվածությունը:
✔️ Սովորելու հմտություններ
Եթե դեռ չգիտես, ապա իմացի՛ր, որ կան մի շարք հնարքներ, որոնք օգնում են նյութը կարդալ ավելի արագ, դասախոսության ընթացքում կատարել միայն կարևոր նշումները և հեշտությամբ օգտվել գրադարաններից։ Այս հնարքները կօգնեն քեզ տարբերակել կարևոր տեղեկատվությունը երկրորդականից և մտապահել կարևոր դրույթները:
✔️ Ֆինանսների կառավարում
Ֆինանսական գրագիտության, ֆինանսները կառավարելու վերաբերյալ մենք մի շարք նյութեր ենք պատրաստել և տեղադրել ենք դրանք մեր տելեգրամյան ալիքում: Եթե դեռ չես հասցրել կարդալ, ծանոթացիˊր այն կարևոր հնարքներին, որոնք կօգնեն քեզ հեշտությամբ կառավարել քո ֆինանսական միջոցները: Ասենք, որ մենք պարբերաբար հրապարակելու ենք այս թեմայով նյութեր, որպեսզի օգնենք քեզ լինել ֆինանսապես անկախ: Նյութերը վերևում են:
Խորհուրդներ ընկերներից ու մտերիմներից
Սա քեզ համար բացահայտումների, աշխարհը նորովի ճանաչելու և նոր գիտելիքներ կուտակելու շրջան է։ Եթե ունես օգնության կամ խորհուրդի կարիք, դիմիˊր ընկերներիդ ու մտերիմներիդ: Իմացիˊր, որ լավ խորհուրդն ու ընկերոջ օգնությունն անգին են: Գուցե նրանց խորհուրդը հնարավորություն տա քեզ ավելի արագ անցնելու այն ճանապարհը, որը դու ուզում էիր անցնել ինքնուրույն:
Մենք ևս պատրաստ ենք ուղղորդել քեզ մեր խորհուրդներով: Հետևի՛ր մեր ալիքին, գրի՛ր մեզ, կիսվիˊր մեզ հետ, իմացիˊր, որ մենք քո կողքին ենք: