Հիշո՞ւմ ես «Ինչպես Գրինչը գողացավ Ամանորը»։ Իսկ հիշո՞ւմ ես՝ Ամանորին ընդառաջ ինչ իրարանցում էր տիրում ֆիլմում: Այ հենց նույնն ամեն տարի նոյեմբերին ու դեկտեմբերին կատարվում է արևմտյան ֆինանսական շուկաներում։ Շուկայի մասնակիցները նույնիսկ օգտագործում են «Սանտա ռալլի» տերմինը սեզոնային այդ երևույթը նկարագրելու համար: Սանտա ռալլին հատկապես նկատելի է ֆոնդային շուկայում, որտեղ տարեվերջին բաժնետոմսերի գների աճի միտում է նկատվում, մասնավորապես՝ ընթացիկ տարվա վերջին հինգ առևտրային նստաշրջաններում և հաջորդի առաջին երկու նստաշրջաններում։
Սանտա ռալլին պետք է դիտարկել որպես պատմական միտում, այլ ոչ թե հուսալի կանխատեսում կամ երաշխավորված իրադարձություն: Որոշ թրեյդերներ և վերլուծաբաններ դա համարում են դրական և տոնական երևույթ, որը նպաստում է տարեվերջին ֆոնդային շուկայի աճին:
Բազմաթիվ վերլուծաբաններ փորձում են բացատրել Սանտա ռալլիի պատճառները, ու դրա մի քանի տեսություն կա։
Ներդրողների դրական տրամադրություններ
Քանի որ մոտենում է Նոր տարին, ներդրողները կարող են ավելի լավատեսորեն տրամադրվել: Այս դրական տրամադրությունը կարող է բարձրացնել շուկայի ակտիվությունը, քանի որ ներդրողները ձգտում են բաց չթողնել բաժնետոմսերի հնարավոր աճը: Արդյունքում դրական տրամադրվածությունը բերում է արժեթղթերի առքի մեծ թվի, ինչն էլ իր հերթին բարձրացնում է դրանց արժեքը։
Արձակուրդների ընթացքում ծախսերն աճում են
Արձակուրդային սեզոնն ուղեկցվում է սպառողական ծախսերի և տնտեսական ակտիվության աճով (դեռ հիշո՞ւմ ես չէ Գրինչին)։ Տնտեսական ակտիվության այս աճը կարող է դրական ազդեցություն ունենալ որոշ ոլորտների, օրինակ` սպառողական ապրանքների վրա՝ նպաստելով շուկայի ընդհանուր աճին։ Ընկերությունների վաճառքների աճն ավելի գրավիչ է դարձնում այդ ընկերությունների բաժնետոմսերը։
Ինստիտուցիոնալ ներդրողների ակտիվության նվազում
Տարեվերջին ինստիտուցիոնալ ներդրողները նվազեցնում են իրենց ակտիվությունը, և շուկան մտնում է հարաբերական հանգստի շրջան։ Շատ ընկերություններ վճարում են պարգևավճարներ ու բոնուսներ, իսկ զարգացած ներդրումային շուկա ունեցող երկրներում աշխատակիցներն այդ միջոցներն ուղղում են ներդրումներ կատարելուն։ Եվ քանի որ ինստիտուցիոնալ ներդրողները այս շրջանում ավելի պասիվ են, անհատ ներդրողների առքերը շուկայում առաջացնում են գների որոշակի աճ:
Կարևոր է նշել, որ թեև Սանտա ռալլին դիտվում է արդեն երկար տարիներ, այն երաշխավորված երևույթ չէ, և շուկան կարող է փոխվել: Ներդրողները պետք է զգուշությամբ մոտենան ներդրումային որոշումներին, սակայն, հաշվի առնելով, որ վիճակագրությունը մեր կողմից է, Սանտա ռալլին պետք է դիտարկել որպես պոտենցիալ ներդրումային շրջան:
Որպես վերջաբան. #MyAmeria-ի #MyInvest հարթակի միջոցով արդեն կարող ես սկսել քո ներդրումային երկար ուղին՝ https://ameria.me/myinvest
Բացում ես մեյլդ ու վերջապես տեսնում՝ «Աշխատանքի առաջարկ»։
Հավատա` այդ օրը հեռու չէ, եթե «պատրաստ ես» աշխատանք գտնելուն։ Ընդամենը մի քանի պարզ քայլով դու կարող ես ավելի արագ հասնել ցանկալի արդյունքի: Ու դա մենք չենք ասում, այլ հետազոտությունների արդյունքները:
Ամեն ամիս աշխատավարձ ես ստանում ու հաստատ գիտես քո «մաքուր» և «կեղտոտ» աշխատավարձի չափը: Իսկ գիտե՞ս, թե ինչ պահումներ են արվում քո «կեղտոտ» աշխատավարձից. ի վերջո ո՞ւր է գնում այդ գումարը, ինչպե՞ս է վերադառնում քեզ կամ վերադառնո՞ւմ է արդյոք:
«Սովորություն է էլի». ասում ես դու ու անգամ չես նկատում, թե որքան է այդ փոքրիկ, կրկնվող գործողությունը ազդում քո այսօրվա և վաղվա վրա: Որքան էլ աննշան թվան մեր սովորությունները, ժամանակի ընթացքում դրանք դառնում են մեր կյանքի որակի ու մասնագիտական հաջողությունների հիմքը։