26Օգս
Տա՞լ գումար երեխային, թե՞ ոչ. 3 կարևոր հարց և օգտակար պատասխան
Կարիք կա՞ երեխաներին գրպանի գումար տալ
Սա յուրաքանչյուր ծնողի ընտրությունն է: Սակայն այս կարևոր որոշումը կարող է օգնել երեխային ապագայում ավելի հեշտությամբ կառավարել սեփական ֆինանսական միջոցները:
Երեխային գումար տալիս ցանկալի է չկատարել հետևյալ քայլերը․
- Ամբողջական վերահսկողություն․ շատ ծնողներ գումար տալուց հետո վերահսկում են երեխայի բոլոր քայլերը, պահանջում, որ նա մանրամասն «հաշվետվություն» ներկայացնի: Այս դեպքում երեխաները չեն սովորում ինքնուրույն տնօրինել գումարը և վախենում են ինքնուրույն որոշում կայացնելուց, քանի որ կա սխալվելու հավանականություն։
- Բացարձակ անտարբերություն․ սա էլ մյուս ծայրահեղությունն է, երբ գումար տալուց հետո ծնողները բացարձակապես չեն հետաքրքրվում, թե երեխան ինչպես է տնօրինում գումարը: Ցանկալի է, որ երեխան խորհրդակցի ծնողների հետ և ստանա արժեքավոր ուղղորդումներ և ոչ թե մեղադրանքներ։
- Մանիպուլյացիա գումարի միջոցով․ որոշ ծնողներ դիմում են փողի օգնությանը՝ «Դասերդ կատարիˊր» կամ «Սենյակդ հավաքիˊր», որ գումար տամ։ Երեխայի համար այս մանիպուլյացիան կդառնա սովորական երևույթ, և նա կարող է հաճախակի դիմել այս հնարքին։
Որքա՞ն գումար պետք է տալ երեխային
Այս հարցի պատասխանը ևս միանշանակ չէ: Դա կախված է մի քանի հանգամանքներից․
- Ընտանիքի ֆինանսական հնարավորություն
- Երեխայի տարիք և հետաքրքրություններ
Ցանկալի է գումար տալ շաբաթական կտրվածքով, օրինակ` 2000 դրամ, որպեսզի երեխան սովորի պլանավորել և կառավարել իր միջոցները։
Ո՞ր տարիքից պետք է գումար տալ երեխային
Հստակ տարիք, իհարկե, դժվար է ասել, սակայն հոգեբանները նշում են, որ լավագույն ժամանակը 6-7 տարեկանն է։ Հենց այդ ժամանակ է, որ երեխան չի ամաչում վաճառողից ինչ-որ ապրանք խնդրել, ինքնուրույն վճարելու ցանկություն է հայտնում, ինչպես նաև կարողանում է հաշվել վերադարձված մանրը։
Կարդա նաև...
Եթե արդեն ունես քո բիզնեսը, ժամանակն է մտածելու վճարումների ընդունման գործիքների մասին: Առանց POS-երի գործն առաջ չի գնա: Ինքդ էլ տեսնում ես, թե անկանխիկ վճարումները որքան տարածված են այսօր:
Ներդրումների աշխարհը երբեմն կարող է անհասկանալի կամ բարդ թվալ․ «դիվերսիֆիկացիա», «արժեկտրոն», «ֆինանսական ինդեքս» և նման այլ տերմիններ ոլորտ մուտք գործողներին հաճախ շփոթեցնում են:
Փոխարժեքները, ճիշտ ինչպես քամելեոնները, անընդհատ փոփոխվում են՝ հարմարվելով համաշխարհային տնտեսությանը։ Արժույթների փոխարժեքները գլոբալ առևտրի էներգիայի աղբյուրն են և ծառայում են որպես տնտեսությունները կապող և միջազգային առևտուրը կարգավորող օղակ։