Կոմիտեի գործառույթները

Աուդիտի կոմիտեի հիմնական նպատակը բանկի ֆինանսական հաշվետվողականության, արտաքին աուդիտի անցկացման, ռիսկերի կառավարման, ներքին հսկողության ոլորտների համակարգումն ու արդյունավետության բարձրացումն է: կոմիտեի խնդիրն է ուսումնասիրել եւ վերահսկել.

• Բանկի ֆինանսական և այլ հաշվետվությունների կազմման և հրապարակման գործընթացները,
• Բանկի ռիսկերի կառավարման, ներքին հսկողության և ներքին աուդիտի գործառույթների պատշաճ իրականացումը,
• Բանկի հաշվապահական հաշվառման քաղաքականությունը և դրա կիրառումը,

Արտաքին ֆինանսական աուդիտի գործընթացի արդյունավետությունը և Բանկի հարաբերությունները արտաքին աուդիտորների հետ:

Կոմիտեի կազմը և ձևավորումը

• Կոմիտեի կազմը չի կարող երեք անդամից պակաս լինել:
• Կոմիտեի անդամներից առնվազն մեկը պետք է ունենա մասնագիտական որակավորում՝ հաշվապահական հաշվառման կամ աուդիտի ոլորտում, կամ ֆինանսական ոլորտում պատշաճ փորձ և գիտելիք:
• Կոմիտեի անդամները և նախագահը նշանակվում են Տնօրենների խորհրդի կողմից: Կոմիտեի նախագահ կարող է լինել Կոմիտեի՝ անկախ տնօրեն հանդիսացող անդամներից մեկը:
• Կոմիտեի անդամների ընտրության հարցում Տնօրենների խորհուրդը նախապատվությունը տալիս է Տնօրենների խորհրդի անկախ անդամներին, սակայն այս կանոնը չի կարող խոչընդոտ լինել Կոմիտեի կազմում Տնօրենների խորհրդի ոչ անկախ անդամների ներգրավման համար:
• Կոմիտեի անդամներն ընտրվում են երեք տարի ժամկետով` հետագա երկարաձգման հնարավորությամբ:
• Կոմիտեի նիստերն անցկացվում են Կոմիտեի նախագահի կողմից սահմանված պարբերականությամբ, բայց ոչ պակաս, քան տարեկան չորս անգամ: Անհրաժեշտության դեպքում՝ Կոմիտեի նիստ կարող է գումարվել Կոմիտեի նախագահի, արտաքին աուդիտ անցկացնող անձի, ներքին աուդիտի ստորաբաժանման ղեկավարի կամ Տնօրենների խորհրդի պահանջով:
• Կոմիտեի անդամ չհանդիսացող՝ Տնօրենների խորհրդի անկախ անդամները իրենց նախաձեռնությամբ կարող են մասնակցել Կոմիտեի նիստերին:
• Կոմիտեի նիստերին մասնակցում է Կոմիտեի քարտուղարը, ով ի պաշտոնեՏնօրենների խորհրդի քարտուղարն է:
• Կոմիտեն հանդիպում է արտաքին աուդիտ իրականացնող անձին և ներքին աուդիտի ստորաբաժանման ղեկավարին՝ համապատասխանաբար տարեկան առնվազն մեկ անգամ` առանց գործադիր մարմնի (Տնօրինության) որևէ անդամի ներկայության:

Կոմիտեի գործառույթները

Կոմիտեի հիմնական նպատակը Բանկի վարձատրությունների շրջանակի կարգավորման կատարելագործումն է, այդ թվում` վարձատրության քաղաքականության, վարձատրության համակարգի բարելավումը, վերահսկողությունը, սկզբունքային պահանջների ներդնումը և չարաշահումների բացառման համար արդյունավետ պայմանների կիրարկումը: Կոմիտեի խնդիրն է օգնել Տնօրենների խորհրդին`

• Ձևավորել արդյունավետ վարձատրության համակարգ, ստեղծել վարձատրության քաղաքականության համապատասխան ուղղություններ ու սկզբունքներ,
• Ապահովել Բանկում գործող վարձատրության համակարգի և քաղաքականության կիրառման որակի գնահատում, ինչպես նաև՝ վարձատրության ոլորտում գործող պայմանների կիրառման նկատմամբ պատշաճ վերահսկողության իրականացում,
• Կիրառել Բանկում վարձատրության ոլորտի հաշվետվողականության պահանջները,
• Ներգրավել և պահել լավագույն որակավորում, փորձ և կառավարման ունակություններ ունեցող տնօրենների, ղեկավարների և էական ռիսկեր ստանձնող կամ առանցքային հաստիք զբաղեցնող այլ աշխատակիցների` միևնույն ժամանակ վերահսկել վարձատրության հետ կապված ռիսկերը և բացառել չարաշահումները,
• Որոշում կայացնել առանձին պաշտոնների/հաստիքների վարձատրության պայմանների և չափերի սահմանման մասին,
• implementing long-term incentive plans and other motivational schemes.

  Իրականացնել երկարաժամկետ խրախուսման փաթեթի և խթանման այլ համակարգերի ներդնում:

Կոմիտեի կազմը և ձևավորումը

• Կոմիտեի կազմը չի կարող երեք անդամից պակաս լինել:
• Կոմիտեի անդամները և նախագահը նշանակվում են Տնօրենների խորհրդի կողմից:
• Կոմիտեի անդամների ընտրության հարցում Տնօրենների խորհուրդը նախապատվությունը տալիս է Տնօրենների խորհրդի անկախ անդամներին, սակայն այս կանոնը չի կարող խոչընդոտ լինել Կոմիտեի կազմում Տնօրենների խորհրդի ոչ անկախ անդամների ներգրավման համար:
• Կոմիտեի անդամներն ընտրվում են երեք տարի ժամկետով` հետագա երկարաձգման հնարավորությամբ:
• Կոմիտեի նիստերն անցկացվում են Կոմիտեի նախագահի կողմից սահմանված պարբերականությամբ, բայց ոչ պակաս, քան տարեկան երկու անգամ: Անհրաժեշտության դեպքում՝ Կոմիտեի նիստ կարող է գումարվել Կոմիտեի նախագահի կամ Տնօրենների խորհրդի պահանջով:
• Կոմիտեի անդամ չհանդիսացող՝ Տնօրենների խորհրդի անկախ անդամներն իրենց նախաձեռնությամբ կարող են մասնակցել Կոմիտեի նիստերին:
• Կոմիտեի նիստերին մասնակցում է Կոմիտեի քարտուղարը, ով ի պաշտոնե Տնօրենների խորհրդի քարտուղարն է:

Կոմիտեի գործառույթները

Կոմիտեի հիմնական նպատակը Բանկի Տնօրենների խորհրդի, դրան կից կոմիտեների, Տնօրինության, ներքին աուդիտի ստորաբաժանման, առանձնակի ռիսկ ստանձնող ղեկավար օղակների/մարմինների համար արհեստավարժ, հմուտ և փորձառու մասնագետներից բաղկացած կադրային բազայի ստեղծումն է, անհրաժեշտության դեպքում՝ նրանց համապատասխան պաշտոններում ներգրավումը, այդ թվում` փոխարինելիության ապահովումն ու կադրային բարելավումը, ինչպես նաև՝ կիրառելի օրենսդրական կարգավորմանը համապատասխան` կորպորատիվ կառավարման ոլորտում միջազգային լավագույն փորձի ներդնումն ու կատարելագործումը: Կոմիտեի խնդիրներն են`

• Համակարգել/ապահովել Տնօրենների խորհրդի, դրան կից կոմիտեների, Տնօրինության, ներքին աուդիտի ստորաբաժանման, առանձնակի ռիսկ ստանձնող ղեկավար օղակների/մարմինների կառուցվածքի, անդամների օպտիմալ քանակի և կազմի ձևավորումը և ներդնումը,
• Առաջադրել Տնօրենների խորհրդի, դրան կից կոմիտեների, Տնօրինության և Բանկի ներքին աուդիտի ստորաբաժանման անդամների, առանձնակի ռիսկ ստանձնող ղեկավար օղակների/մարմինների ընտրության/նշանակման չափանիշներ` համահունչ նրանց դերին և ստանձնած պատասխանատվության շրջանակին,
• Ապահովել Տնօրենների խորհրդի, դրան կից կոմիտեների, Տնօրինության, ներքին աուդիտի ստորաբաժանման, առանձնակի ռիսկ ստանձնող ղեկավար օղակների/մարմինների կազմում ընդգրկված անձանց պաշտոնավարման շարունակականության, անընդհատության և սահուն հաջորդականության պլանավորումը:

Կոմիտեն տարեկան կտրվածքով գնահատում է իր կողմից կատարված աշխատանքների արդյունավետությունը և համապատասխան հաշվետվություն ներկայացնում Տնօրենների խորհրդին` անհրաժեշտության դեպքում՝ նշելով արդյունավետությունը խոչընդոտող խնդիրները կամ առաջարկելով արդյունավետության բարձրացման հնարավոր ուղիներ:

Կոմիտեի կազմը և ձևավորումը

• Կոմիտեի կազմը չի կարող երեք անդամից պակաս լինել, ընդ որում՝ նշված պայմանի պահպանմամբ Կոմիտեի քանակական կազմը որոշվում է ըստ ընտրված անդամների քանակի:
• Կոմիտեի անդամները և նախագահը նշանակվում են Տնօրենների խորհրդի կողմից:
• Կոմիտեի անդամների ընտրության հարցում Տնօրենների խորհուրդը նախապատվությունը տալիս է Տնօրենների խորհրդի անկախ անդամներին, սակայն այս կանոնը չի կարող խոչընդոտ լինել Կոմիտեի կազմում Տնօրենների խորհրդի ոչ անկախ անդամների ներգրավման համար:
• Կոմիտեի անդամներն ընտրվում են երեք տարի ժամկետով` հետագա երկարաձգման հնարավորությամբ:
• Կոմիտեի անդամ չհանդիսացող՝ Տնօրենների խորհրդի անկախ անդամներն իրենց նախաձեռնությամբ կարող են մասնակցել Կոմիտեի նիստերին:
• Կոմիտեի նիստերին մասնակցում է Կոմիտեի քարտուղարը, ով ի պաշտոնե Տնօրենների խորհրդի քարտուղարն է:
• Կոմիտեի նիստերն անցկացվում են Կոմիտեի նախագահի կողմից սահմանված պարբերականությամբ, բայց ոչ պակաս, քան տարեկան մեկ անգամ: Անհրաժեշտության դեպքում՝ Կոմիտեի նիստ կարող է գումարվել Կոմիտեի նախագահի կամ Տնօրենների խորհրդի պահանջով:

Կոմիտեի գործառույթները

Ռիսկերի կոմիտեի նպատակն է աջակցել և խորհրդատվություն տրամադրել Տնօրենների խորհրդին վերջինիս կողմից հետևյալ բնագավառներում վերահսկողական գործառույթներ իրականացնելիս.

• Բանկի ռիսկերի կառավարման համակարգը և մշակույթը, վերջինիս ինտեգրումը կառավարման ընդհանուր համակարգին.
• Բանկի վարկային, շուկայական, գործառնական, ռազմավարական, իրացվելիության և այլ էական ռիսկերի կառավարման/գնահատման քաղաքականությունները, այլ ներքին ակտերը և դրանց կիրառումը,
• Բանկի ենթարկվածությունը ռիսկին/ռիսկի նկատմամբ ունեցած դիրքը, ռիսկի գործոնները,
• Բանկի կապիտալի համարժեքության և իրացվելիության ցուցանիշները,

Կոմիտեն տարեկան կտրվածքով գնահատում է իր կողմից կատարված աշխատանքների արդյունավետությունը և համապատասխան հաշվետվություն ներկայացնում Տնօրենների խորհրդին` անհրաժեշտության դեպքում՝ նշելով արդյունավետությունը խոչընդոտող խնդիրները կամ առաջարկելով արդյունավետության բարձրացման հնարավոր ուղիներ:

Կոմիտեի կազմը և ձևավորումը

• Կոմիտեն պետք է բաղկացած լինի առնվազն երեք անդամներից, որոնցից մեծամասնությունը պետք է լինեն Տնօրենների խորհրդի անկախ անդամներ: Ընդ որում անդամներից մեկը համատեղությամբ պետք է լինի նաև Աուդիտի կոմիտեի անդամ:
• Կոմիտեի անդամների կազմը ընտրվում է Տնօրենների խորհրդի կողմից:
• Կոմիտեի նախագահն ընտրվում է Կոմիտեի անդամների կազմից` Տնօրենների խորհրդի որոշմամբ: Կոմիտեի նախագահը պետք է հանդիսանա Տնօրենների խորհրդի անկախ անդամ: