Ամերիաբանկի նորություններ

2015թ. մարտի 6-ին Կապան քաղաքում տեղի ունեցավ Ամերիաբանկի «Կապան» մասնաճյուղի բացման հանդիսավոր արարողությունը, որին մասնակցում էին Սյունիքի մարզպետ Սուրիկ Խաչատրյանը, Կապանի քաղաքապետ Աշոտ Հայրապետյանը, Քաջարանի քաղաքապետ Վարդան Գևորգյանը, Ամերիաբանկի Մանրածախ գործառնությունների գծով տնօրեն Արման Բարսեղյանը, Տեխնոլոգիաների և գործառնությունների գծով տնօրեն Բուրաստան Մովսիսյանը, Սյունիքի մարզի այլ պաշտոնատար անձիք, գործարարներ, պատվավոր հյուրեր:

Ամերիաբանկի նորաբաց «Կապան» մասնաճյուղը հանդես է գալիս «Ես սիրում եմ Սյունիքը» հատուկ արշավով, որը հնարավորություն է տալիս հաճախորդներին օգտվել արտոնյալ պայմաններով ծառայություններից: 

Փետրվարի 26-ին Ամերիաբանկի Վերապատրաստման կենտրոնում Բանկի իրավաբանները Վարպետության դասընթաց անցկացրեցին Հայաստանի ֆրանսիական համալսարանի իրավաբանական ֆակուլտետի 3-րդ և 4-րդ կուրսի ուսանողների համար: 

Հայաստանի բանկային համակարգում «Ամերիաբանկը» 2014թ-ին հիմնական կարևոր ցուցանիշներով զբաղեցնում է առաջատարի դիրքը:

Հայաստանում բանկերի խոշորացումից հետո մոնոպոլացման խնդիր չի առաջանա, քանի որ համակարգը մրցակցային է և դիվերսիֆիկացված: Խոշորագույն 5 բանկերը միասին գրավում են համակարգի միայն 46 տոկոսը, իսկ մյուս բանկերը հիմնականում գործում են մասնագիտացված ոլորտներում: Այս մասին լրագրողների հետ հանդիպման ժամանակ հայտնեց «Ամերիաբանկ» ՓԲԸ Զարգացման գծով տնօրեն Տիգրան Ջրբաշյանը` խոսելով Կենտրոնական բանկի այն որոշման մասին, որ 2017 թվականից ավելանալու է բանկերի կապիտալը, և այն սահմանվելու է 30 մլրդ դրամ:

Բանկային համակարգն այս փուլում վարկավորման հարցում որոշակի զգուշավորություն է ցուցաբերում, այսօր հրավիրված ասուլիսում ասաց Ամերիաբանկի գլխավոր տնօրեն Արտակ Հանեսյանը՝ պատասխանելով լրագրողների հարցին: