Ամերիաբանկի և իտալական Banca Popolare di Sondrio բանկի համատեղ նախագիծը, որն ուղղված է ջրային և էներգետիկ ռեսուրսների պահպանմանը, արժանացել է Վերակառուցման և զարգացման եվրոպական բանկի («ՎԶԵԲ») «Տարվա գործարք 2021. Կանաչ առևտուր» մրցանակին:

«Global Finance» ամսագրի կողմից անցկացվող` աշխարհի լավագույն բանկերի ամենամյա 29-րդ մրցանակաբաշխության շրջանակում Ամերիաբանկը ճանաչվել է 2022թ. Հայաստանի լավագույն բանկը: Վերջին տասնամյակում ութերորդ անգամ այս մրցանակին արժանանալը մեծ պատիվ է Ամերիաբանկի համար:

S&P Global Ratings վարկանիշային գործակալությունը բարելավել է Ամերիաբանկի հեռանկարը` սահմանելով այն որպես «դրական» նախկին «կայունի» փոխարեն, և վերահաստատել է բանկին շնորհած «B+/B» երկարաժամկետ և կարճաժամկետ վարկանիշը:

Ըստ Global Finance ամսագրի կողմից հրապարակված` աշխարհի ամենահուսալի բանկերի 30-րդ ամենամյա ցանկի, Ամերիաբանկը 2021թ. Հայաստանի ամենահուսալի բանկն է: Ցանկում ներառվում են առանձնակի կայունությամբ և ճկունությամբ աչքի ընկնող կազմակերպությունները:

Euromoney ամսագիրն Ամերիաբանկին շնորհել է 2021թ. գերազանցության մրցանակը՝ որպես տարվա լավագույն բանկը Հայաստանում: Բանկն արժանացել է այս հեղինակավոր մրցանակին` հաշվի առնելով շահութաբերության զգալի բարելավումը, կայուն աճը, ռազմավարական փոխհարաբերությունները և թվայնացմանն ուղղված շարունակական աշխատանքը: