Ամերիաբանկի նորություններ

«ԱՄԵՐԻԱԲԱՆԿ» ՓԲԸ-ն հայտարարում է անկախ աուդիտորական կազմակերպության ընտրության մրցույթ` 2019թ. ISO/IEC 27001:2013 Տեղեկատվական Անվտանգության Կառավարման Համակարգի սկզբնական հավաստագրման 2020-2021 թվականներին համապատասխանության աուդիտների անցկացման նպատակով։

Հայտ ներկայացնող ընկերությունը պետք է՝ 

• հավատարմագրված լինի Եվրոպական հավատարմագրման համագործակցության միության լիիրավ անդամներից որևէ մեկի կողմից,
• համապատասխանի ISO/IEC 17021-1 ստանդարտի պահանջներին (Կառավարման համակարգերի աուդիտի և հավաստագրման ծառայություններ մատուցող մարմինների համար սահմանված համապատասխանության գնահատման պահանջներ),

• ունենա ISO/IEC 27001 ստանդարտով (Տեղեկատվական տեխնոլոգիաների, անվտանգության տեխնիկայի, տեղեկատվական անվտանգության կառավարման համակարգերի պահանջներ) աուդիտ անցկացնելու մասնագիտացում և  ֆինանսական ոլորտում ունենա նշված տեսակի աուդիտի իրականացման փորձ: 

Աուդիտը պետք է անցկացվի պայմանագրի կնքումից հետո 1 ամսվա ընթացքում:

Վկայականը պետք է տրամադրվի աուդիտն ավարտելուց և Կատարողի հետ համաձայնեցված էական անհամապատասխանությունները (առկայության դեպքում) վերացնելուց և/կամ ոչ էական թերությունները վերացնելու ծրագիրը ներկայացնելուց հետո առավելագույնը 14 օրացուցային օրվա ընթացքում,  սակայն ոչ ուշ, քան 2019թ-ի փետրվարի 28-ը:

Հավելյալ տեղեկատվություն գնառաջարկի ներկայացման համար  

1. Կազմակերպության անվանումը` «Ամերիաբանկ» ՓԲԸ
2. Կազմակերպության վեբ-կայք`www.ameriabank.am
3. Կազմակերպության աշխատակցիների ընդհանուր թիվը`825
4. Աշխատակազմի բաշխվածությունն ըստ տարածքների (մոտավոր) (http://ameriabank.am/infrastructure.aspx?lang=28)
   1. Երևան`  753
   2. Մարզեր`  72
5. Գործող վկայական`
   1. ISO 9001:2015
   2. Նախկինում ISO/IEC 27001 հավաստագրի առկայություն` ՈՉ

Գնառաջարկներն (հայտերը) անհրաժեշտ է ներկայացնել   tenders@ameriabank.am էլ փոստով, PDF և WORD տարբերակներով:

Գնառաջարկները պետք է ներառեն բոլոր պահանջվող կորպորատիվ փաստաթղթերը, ինչպես նաև մրցույթին մասնակցող յուրաքանչյուր աուդիտորի մասնագիտական փորձի նկարագրությունը:

Մրցութային հայտերի ընդունման վերջնաժամկետն է 2018թ. նոյեմբերի 5-ը, ժամը 18-00 (GMT +4): 

«ԱՄԵՐԻԱԲԱՆԿ» ՓԲԸ

ք. Երևան, 0015, Վ Սարգսյան 2

Հեռ.` (374-10) 56-11-11

Լրացուցիչ տեղեկությունների համար դիմել`

Աշխեն Գրիգորյանին ( գնումների ավագ մասնագետ) Ashkhen.Grigoryan@ameriabank.am էլ. հասցեով: