Մենք կրճատում ենք հեռավորությունը

Տեղեկացնում ենք, որ Ամերիաբանկը մեկնարկում է Ameriastream ծառայությունը, որը հնարավորություն է տալիս աշխարհի ցանկացած անկյունից գումար փոխանցել հեռախոսով և կանխիկացնել այն ՀՀ-ում Ամերիաբանկի բանկոմատների միջոցով` պարզապես մուտքագրելով ութանիշ գաղտնաբառը/ունիկալ կոդը, որը վավեր է 48 ժամվա ընթացքում: 

Ameriastream-ի միջոցով փոխանցում կատարելու համար անհրաժեշտ է մուտքագրել.

• գումարը ստացողի և փոխանցողի բջջային հեռախոսահամարները,
• գումարի չափը` ՀՀ դրամով,
• վճարային քարտի տվյալները,
• 3Dsecure մեկանգամյա գաղտնաբառը, որը կստացվի SMS հաղորդագրության միջոցով:

Մեկ գործարքի միջոցով կարելի է կատարել 1,000-ից մինչ 399,000 ՀՀ դրամի փոխանցում: Փոխանցում անելիս գումարն անհրաժեշտ է նշել ՀՀ դրամով, սակայն փոխանցումը կկատարվի ցանկացած արժույթով քարտից:

Փոխանցված գումարը ստանալու համար փոխանցման պահից սկսած` 48 ժամվա ընթացքում, պետք է Ամերիաբանկի բանկոմատների էկրանի վրա ընտրել «Առանց քարտի գործառնություններ», ապա Ameriastream  տարբերակը, որից հետո մուտքագրել.

• փոխանցված գումարը,
• ստացողի բջջային հեռախոսահամարը,
• փոխանցողից ստացված 8-անիշ գաղտնաբառը,
• բջջային հեռախոսահամարին ստացված մեկանգամյա օգտագործման քառանիշ կոդը (OTP):

Փոխանցում ստացողը 24 ժամվա ընթացքում կարող է կանխիկացնել մինչև 399,000 դրամ: Փոխանցող կողմից ծառայության դիմաց կգանձվի միջնորդավճար՝ փոխանցված գումարի 2%-ի չափով: Ի դեպ, գումարի մասնակի կանխիկացում հնարավոր չէ, և գումարի չափը ոչ ամբողջական նշելու դեպքում կանխիկացման գործարքը մերժվելու է: 

Գումարը չստանալու դեպքում փոխանցումից հետո` 48 ժամը լրանալուն պես, այն վերադարձվելու է փոխանցողի քարտային հաշվին 1-ից 6 բանկային օրերի ընթացքում` կախված քարտատեսակից և թողարկող բանկից: 

Ծառայության մանրամասները` այստեղ: