29Հլս
Փոփոխություններ Ամերիաբանկի փաստաթղթերով սահմանված դրույթներում
Հարգելի´ հաճախորդ,
Տեղեկացնում ենք, որ «Ամերիաբանկ» ՓԲԸ (այսուհետ` Բանկ) հետևյալ հրապարակային փաստաթղթերով (այսուհետ միասին` Փաստաթղթեր) սահմանված որոշ սակագներ և դրույթներ փոփոխվել են.
«Սակագներ ֆիզիկական անձ հաճախորդների համար» փաստաթղթում կատարված փոփոխությունները վերաբերում են MyAmeria համակարգի միջոցով հեռախոսահամարով ՀՀ այլ բանկեր և ՀՀ վճարահաշվարկային կազմակերպություններ ՀՀ դրամով կատարվող ակնթարթային փոխանցումների սակագներին, այդ գործարքների օրական առավելագույն քանակին, ինչպես նաև թղթային եղանակով ներկայացվող վճարման հանձնարարականների համար գանձվող միջնորդավճարին:
«Պայմաններ» փաստաթղթում կատարված փոփոխությունները վերաբերում են․
- Հեռախոսահամարով փոխանցումների ստացման համար հաճախորդի կողմից նախապես ընտրված քարտային/ընթացիկ հաշիվ սահմանելու հնարավորությանը:
- Հաճախորդին նույնականացնելու համար հաճախորդի ձայնը` որպես կենսաչափական անձնական տվյալ Բանկի կողմից մշակելու հնարավորությանը։
- Հաճախորդի կողմից Ինտերնետ-Բանկ համակարգ մուտք գործելու համար կիրառվող անվտանգության միջոցի անվանման փոփոխությանը:
- Ոսկու գնանշման, հաշվառման, ինչպես նաև ոսկով առարկայազուրկ մետաղական հաշվի սպասարկման կարգին։
«Կրեդիտային քարտերի սակագներ» փաստաթղթում կատարված փոփոխությունները վերաբերում են Ինտերնետ/Մոբայլ բանկինգ համակարգի, բանկոմատների միջոցով քարտից/ քարտային հաշվից ՀՀ բանկեր քարտի համարով կատարվող փոխանցումների նվազագույն և առվելագույն չափին, ինչպես նաև MyAmeria համակարգի միջոցով հեռախոսահամարով քարտային հաշվից ակնթարթային փոխանցումների օրական առավելագույն քանակին:
«Դեբետային քարտերի սակագներ» փաստաթղթում կատարված փոփոխությունները վերաբերում են Ինտերնետ/Մոբայլ բանկինգ համակարգի, բանկոմատների միջոցով քարտից/քարտային հաշվից ՀՀ բանկեր քարտի համարով կատարվող փոխանցումների նվազագույն և առավելագույն չափին:
Վերոնշյալ հղումներով տեղադրված փաստաթղթերում կատարված բոլոր փոփոխությունները ընդգծված են կանաչ գույնով:
Փաստաթղթերում տեղ գտած փոփոխություններն ուժի մեջ են մտնում 14/08/2025թ.-ից: Ընդ որում, ձայնը մշակելու միջոցով հաճախորդի նույնականացումը գործարկելու է Բանկում համապատասխան տեխնիկական լուծումնեը ներդրվելուց հետո և «Պայմաններ» փաստաթղթում նկարագրված եղանակով հաճախորդի համաձայնությունը ստանալու դեպքում:
Հարցերի դեպքում խնդրում ենք զանգահարել (010) (012) 561111 հեռախոսահամարներով կամ այցելել Բանկի մոտակա մասնաճյուղ: Բանկի սպասարկման ցանցին, մասնաճյուղերի հասցեներին և աշխատանքային ժամերին կարող եք ծանոթանալ Բանկի պաշտոնական կայքի (www.ameriabank.am ) «Մասնաճյուղեր» բաժնում:
Շնորհակալություն Բանկի ծառայություններից օգտվելու համար:
Հարգանքով՝
Ամերիաբանկ