Ամերիաբանկի նորություններ

ԱՄԵՐԻԱԲԱՆԿ ՓԲԸ-ն իր կողմից իրականացվող բանկային գործառույթների շրջանակներում հրավիրում է Գնանշման՝ գույքի գնահատման ծառայություններ մատուցող ընկերություն ընտրելու նպատակով:

ԱՄԵՐԻԱԲԱՆԿ ՓԲԸ-ն հրավիրում է համապատասխան խորհրդատվական կազմակերպություններինª ներկայացնելու իրենց հետաքրքրվածությունը վերոնշյալ ծառայությունների մատուցման համար: Շահագրգիռ կազմակերպությունները պետք է բավարարեն հետևյալ պայմաններին` 

• նման աշխատանքների կատարման առնվազն 3 (երեք) տարվա փորձառություն
• գնահատման ծառայությունների իրականացում ՀՀ և/կամ ԼՂՀ տարածքում
• աշխատակազմի առնվազն 3 (երեք) աշխատակից պետք է ունենա համապատասխան որակավորում (պահանջվելու է ներկայացնել վկայականները)
• ցանկալի է ունենալ ՀՀ բանկերի, վարկային կազմակերպությունների, ապահովագրական կազմակերպությունների հետ համագործակցության փորձ (պահանջվելու է ներկայացնել տեղեկանք)
• մասնագիտական պատասխանատվության ապահովագրության առկայություն 50 մլն սահմանաչափով (պահանջվելու է կցել ապահովագրական պայմանագիրը):

Գնանշման մասնակցության հետաքրքրվածություն ցուցաբերած ընկերությունները կարող են ստանալ համապատասխան հարցաշարը՝ ուղարկելով հետաքրքրվածության նամակ tenders@ameriabank.am-ին: 

Շահագրգիռ կազմակերպությունները պետք է համապատասխան հարցաշարը լրացված և ընկերության ծառայությունների գնացուցակի հետ կցված ներկայացնեն բանկ՝ մրցույթի երկրորդ փուլին մասնակցելու համար, որի ընթացքում կստուգվեն կազմակերպության կողմից տրամադրված տեղեկատվությունն ու կազմակերպության՝ բանկի կողմից սահմանված պայմաններին համապատասխանելիությունը: ՙԱմերիաբանկ՚ ՓԲԸ պահանջներին առավելագույնս բավարարող մասնակցի(ների) հետ կկնքվի միավորի գնի վրա հիմնված համագործակցության պայմանագիր` բանկի կողմից սահմանված պայմաններով` մեկ տարի ժամկետով: 

Ընտրված մասնակցից(ներից) պահանջվելու է, որպեսզի Ամերիաբանկ ՓԲԸ-ում բացվի համապատասխան հաշիվ և/կամ գրավադրվի ավանդ կամ գործող հաշվին չնվազող մնացորդ ունենա 5,000,000 (հինգ միլիոն) դրամ գումարի չափով՝ պայմանագրի գործողության ամբողջ ընթացքում, որը կհանդիսանա սխալ իրականացված գնահատման վնասի փոխհատուցոմ:  

Շահագրգիռ կազմակերպությունները լրացուցիչ տեղեկատվություն կարող են ստանալ ստորև ներկայացված հեռախոսահամարներով, աշխատանքային օրերին ժամը` 10:00-17:00-ը:

 Գնառաջարկի ներկայացման վերջնաժամկետ է սահմանված 2018թ. ապրիլի 5-ը:

ԱՄԵՐԻԱԲԱՆԿ ՓԲԸ

ք. Երևան 0015, Գր. Լուսավորիչ 9

Հեռ.ª (374-10) 56-11-11

Էլ. փոստ՝ tenders@ameriabank.am 

Լրացուցիչ տեղեկությունների համար դիմել Հայկ Մեսրոպյանին (գնումների գլխավոր  մասնագետ)