Փորձը և հմտությունները

Արման Բարսեղյանը շուրջ 20 տարի է, ինչ աշխատում է մանրածախ բանկային գործառնությունների ոլորտում: Իր աշխատանքային ուղին սկսել է 1997 թ.-ին «Էյչ-Էս-Բի-Սի Բանկ Հայաստան» ՓԲԸ-ում (նախկինում «Միդլենդ Արմենիա Բանկ» ԲԸ)՝ որպես ֆինանսական վերահսկողության բաժնի մասնագետ: Այնուհետև զբաղեցրել է տարբեր պաշտոններ, մասնավորապես` ֆինանսական վերահսկողության բաժնի գործառնությունների կառավարիչ (2001-2004), մասնաճյուղի կառավարիչ (2004-2008) և մանրածախ ծառայությունների դեպարտամենտի տնօրեն (2008-2012):
Արման Բարսեղյանն ստանձնել է «Ամերիաբանկ» ՓԲԸ-ի մանրածախ գործառնությունների գծով տնօրենի պաշտոնը 2012 թ.-ի հունիսին: 2012 թ.-ի սեպտեմբերի 9-ին նշանակվել է Տնօրինության անդամ:

Կրթությունը

1992-1997 թթ. սովորել է Երևանի ժողովրդական տնտեսության ինստիտուտում` «Համաշխարհային էկոնոմիկա» մասնագիտացմամբ, այնուհետև սովորել է Հայաստանի Գիտությունների ազգային ակադեմիայի տնտեսագիտության ինստիտուտի ասպիրանտուրայում: Պաշտպանելով «ՀՀ տնտեսության մրցակցային միջավայրի ձևավորման հիմնախնդիրները» թեմայով ատենախոսություն` 2001թ.-ին ստացել է տնտեսագիտության թեկնածուի գիտական կոչում: Նաև մասնակցել է մի շարք մասնագիտական դասընթացների՝ Մեծ Բրիտանիայում, Ֆրանսիայում, Գերմանիայում, Մալթայում, Թուրքիայում, Հնդկաստանում և այլուր: