S&P Global Ratings վարկանիշային գործակալությունը վերահաստատել է Ամերիաբանկին շնորհած B+/B երկարաժամկետ և կարճաժամկետ վարկանիշը «կայուն» հեռանկարով: 

S&P գործակալության կողմից վարկանիշի վերահաստատումը վկայում է այն մասին, որ Ամերիաբանկն իր իրացվելիության բավարար մակարդակի, ռիսկերի կառավարման կշռադատված քաղաքականության և Բանկի բրենդի ճանաչելիության շնորհիվ ունակ է դիմակայելու COVID-19 համաճարակի հետևանքով համաշխարhային տնտեսության սպասվելիք անկման ազդեցությանն ավելի հմտորեն, քան տեղական և միջազգային մրցակից բանկերը: 
Գործակալությունն ակնկալում է, որ 2021թ․-ին Ամերիաբանկի կապիտալիզացման մակարդակը կբարձրանա նոր ներդրողների կողմից կապիտալի ավելացմամբ, ինչպես նաև Բանկը կունենա ֆիզիկական և իրավաբանական անձ ավանդատուների կայուն բազա և իրացվելիության բարձր մակարդակ: 
Ամերիաբանկի սեփական վարկարժանության (stand-alone credit profile (SACP)) bb-գնահատականը մեկ քայլով ավելի բարձր է, քան երկարաժամկետ B+ վարկանիշը, քանի որ վերջինս սահմանափակված է Հայաստանի սուվերեն վարկարժանությամբ:

Երկարաժամկետ վարկային վարկանիշ ՝ B +
Կարճաժամկետ վարկային վարկանիշ՝  B
Հեռանկար՝  Կայուն
SACP. bb-