Amazon-ից գնում ես կատարում ու հասնում վճարման փուլ. հարց է առաջանում` «Վճարել դրամո՞վ, թե՞ դոլարով»: Հենց այս պահին դու փաստացի ընտրում ես ավելի շատ վճարելու և խնայելու միջև:
Այսօր Ամերիա բլոգում պատմում ենք, թե միջազգային հարթակներում որ արժույթով վճարելն է առավել շահավետ և ինչու:
Նախ լայֆհաքը. միջազգային օնլայն հարթակներից գնումներ կատարելիս որպես վճարման արժույթ ընտրիր դոլար, որ խնայես։
Իսկ հիմա ավելի մանրամասն այն մասին, թե ինչպես է սա աշխատում:
Ի՞նչ է լինում, երբ ընտրում ես դրամ
Գումարը դրամով ցույց տալու համար միջազգային հարթակները սովորաբար իրենք են դոլարը փոխարկում դրամի: Արդյունքով` փոխարկումը կատարվում է ավելի բարձր փոխարժեքով ու ավելանում են այլ վճարներ։ Վճարման ենթակա գումարը փաստացի մեծանում է, և $100-ի փոխարեն տեսնում և վճարում ես, օրինակ, 39 000 ֏:
Ի՞նչ է լինում, երբ ընտրում ես դոլար
Դոլար ընտրելու դեպքում փոխարկումը կատարվում է շատ ավելի ցածր փոխարժեքով, որովհետև այն կատարում է քո բանկը: Այս դեպքում դու տեսնում ես $100, բայց քո հաշվից դուրս է գրվում, օրինակ, 38 000 ֏:
Այս հարթակները սովորաբար վճարման պահին առաջարկում են ընտրել արժույթը։ Եթե հասանելի է USD կամ EUR, ընտրիր դրանք, որ խնայես մոտ 2%։
Որտե՞ղ պետք է օգտվես այս լայֆաքից
Կիրառիր լայֆհաքը ցանկացած միջազգային հարթակում, որտեղ պետք է վճարում կատարես: Օրինակ`
Ինչու՞ է սա կարևոր
Փոքրիկ ծախսերն իրականում գումարվում ու դառնում են կլորիկ գումար։ Եթե հաճախ ես պատվերներ կատարում, արժույթի ճիշտ ընտրությունը դառնում է ֆինանսական սովորություն, որն էլ լավ է ազդում քո բյուջեի վրա։
Օնլայն գնումների մասին խոսելիս չի կարելի բաց թողնել անվտանգության կետը: Այս բլոգում էլ պատմել ենք, թե ինչին պիտի ուշադրություն դարձնես, որ օնլայն գնումներդ անվտանգ լինեն և այս առումով էլ «թանկ չնստեն»:
Աշխարհը շարժվում է դեպի կայուն ապագա, և մեր այսօրվա քայլերը` մեծ թե փոքր, որոշիչ են լինելու։
Բնապահպանական կայունությունը, միտում լինելուց բացի, նախևառաջ ընտրություն է` ուղղված մոլորակի բարեկեցությանը այժմ և երկարաժամկետ հեռանկարում:
Գնումներ կատարի՛ր հուսալի կայքերից: Եթե կայքի հղման անվան դիմաց չկա կողպեքի նշան, կամ այն չի սկսվում https-ով, ուրեմն շտապի՛ր լքել «տարածքը» առանց ցտեսություն ասելու:
«Ի՞նչ ես դառնալու, երբ մեծանաս»․ անցյալում, ներկայում ու ապագայում այս հարցի պատասխաններն այնքա~ն տարբեր կարող են լինել: Ավտոմատացումը, արհեստական բանականությունը և թվայնացումը փոխակերպում են բոլոր ոլորտները` պահանջելով տեխնիկական, մտավոր և մարդկային հմտությունների նոր համադրություն։