1
11RBD AG 72-01-52, Խմբ. 11
«Ամերիաբանկ» ՓԲԸ
+37410 561111, office@ameriabank.am
ՖԻԶԻԿԱԿԱՆ ԱՆՁԻ ՀԵՌԱՀԱՐ ԵՂԱՆԱԿՈՎ ՍՄԱՐԹ ՀԱՇՎԻ ԲԱՑՄԱՆ ԵՎ ԾԱՌԱՅՈՒԹՅՈՒՆՆԵՐԻ
ՓԱԹԵԹԻ ՀԱՅՏ-ՊԱՅՄԱՆԱԳԻՐ
Սահմանումներ և հասկացություններ
Բանկ` «Ամերիաբանկ» ՓԲԸ,
Հարթակ` հաշվի բացման, հաշվի հետ առաջարկվող այլ ծառայությունների դիմելու և հաճախորդի
նույնականացման Բանկի հեռավար հարթակ,
Հայտ-պայմանագիր (նաև` Հայտ)` սույն հայտ-պայմանագիրը,
Հաճախորդ` Հայտ-պայմանագիրը Բանկ ներկայացնող ֆիզիկական անձ,
Կողմ(եր)` Բանկը և Հաճախորդը:
Հաճախորդի ակցեպտը
1. Սույնով ես` Հաճախորդս, Հարթակի միջոցով դիմում եմ Բանկ հեռաhար եղանակով հաշվի բացման
և իմ կողմից Հարթակում ընտրված ծառայություն(ներ)ը ստանալու համար: Հայտ-պայմանագրի
միջոցով` վերջինիս անբաժանելի մասը կազմող և Հարթակում իմ կողմից լրացված իմ անձնական
տվյալների և Հարթակում իմ կողմից ընտրված և լրացված ծառայության(ների) տվյալների հետ
միասին, Բանկ եմ ներկայացնում հաշվի բացման և ընտրված մյուս ծառայությունների համար
պայմանագիր կնքելու մասին Բանկի օֆերտայի ընդունումը (ակցեպտը):
2. Հաճախորդի ակցեպտը Բանկի կողմից ստանալու/ընդունելու վերաբերյալ Հաճախորդին Հայտ-
պայմանագրի համաձայն սահմանված եղանակով ծանուցելու պահից Հայտ-պայմանագիրը
համարվում է Կողմերի միջև պատշաճ կնքված պայմանագիր` դրանում նախատեսված
պայմաններով: Ընդ որում, Բանկի վերոնշյալ ծանուցումն ուղեկցվում է Բանկի կողմից
ծառայությունների փաթեթի հաստատմամբ` ըստ Հաճախորդի կողմից Հարթակում լրացված
անձնական տվյալների և ընտրված այլ պայմանների, ինչպես նաև կնքված Հայտ-պայմանագրով:
3. Համաձայն եմ, որ Հայտի հիման վրա Բանկն ինձ համար բանկային հաշիվ(ներ) բացելիս
իրականացնի բոլոր անհրաժեշտ գործողությունները, որոնք պահանջվում են համաձայն
ահաբեկչության ֆինանսավորման և փողերի լվացման դեմ պայքարի մասին օրենսդրական և Բանկի
ներքին իրավական ակտերի, և միայն հաշվի բացումն արգելող հիմքերի բացակայության դեպքում
բացի/ակտիվացնի նշված բանկային հաշիվ(ներ)ը:
4. Գիտակցում և հաստատում եմ, որ Հարթակում համաձայնություն/հաստատում պարունակող
կետերում իմ կողմից նշում(ներ) կատարելը հավասարազոր է իմ կողմից այդ կետերի
բովանդակությանը համաձայնելուն և իմ կողմից ստորագրմանը (վավերացմանը):
5. Համաձայն եմ, որ Հայտի լրացման ընթացքում իմ մասին անհրաժեշտ անձնական տվյալներ
ստանալով` Բանկը կարող է ինձ համար բացել դիտորդի կարգավիճակով MyAmeria ինտերնետ
բանկ/մոբայլ բանկինգ համակարգի (այսուհետ` MyAmeria) անձնական էջ, որի միջոցով այնուհետև
կարող եմ դիմել Բանկ` հեռաhար եղանակով Սմարթ հաշվի բացման, Հարթակում հասանելի
ծառայությունների և նույնականացման համար: Ընդ որում, բանկային հաշվի բացումը և այլ
2
11RBD AG 72-01-52, Խմբ. 11
բանկային ծառայությունների, այդ թվում, սակայն չսահամանափակվելով, ամբողջական
իրավասություններով MyAmeria-ի տրամադրումը Բանկի կողմից հնարավոր կլինի Բանկի
պահանջներին և պայմաններին համապատասխան ինձ լիարժեք նույնականցնելուց հետո:
6. Համաձայն եմ, որ Բանկի հետ համագործակցող որևէ այլ ընկերության հարթակից և/կամ կայքէջից
Բանկի կողմից մատուցվող ծառայությունների հղումով անցնելու և Բանկ ուղղորդվելու դեպքում
Բանկի հետ համագործակցող նշված ընկերությանը հայտնի դառնա իմ` Բանկի հաճախորդ
հանդիսանալու/դառնալու փաստը:
7. Ծանոթացել եմ Հայտ-պայմանագրի անբաժանելի մաս կազմող` Բանկի հետևյալ իրավական
ակտերին (այսուհետ նշված իրավական ակտերը միասին` Պայմաններ), ընդունում եմ դրանք և
համաձայն եմ, որ Պայմանները Բանկի կողմից կարող են միակողմանի փոփոխվել, ինչպես նաև
հաստատում եմ Պայմաններում ներառված բոլոր համաձայնությունները.
7.1. «Բանկի կողմից ֆիզիկական անձանց բանկային ծառայությունների մատուցման հիմնական
պայմաններ»
1
,
7.2. «Բանկի սակագներ ֆիզիկական անձ հաճախորդների համար»
2
,
7.3. «Բանկի վճարային քարտերի սպասարկման պայմաններ և օգտագործման կանոններ»
3
(այսուհետ` Քարտերի պայմաններ), «Բանկի քարտերի սակագներ»
4
: Սույն ենթակետը
կիրառելի է, եթե Հաճախորդը Հարթակում լրացրել է վճարային քարտի հայտ:
7.4. «Բանկի «Ավելին» անհատական աշխատավարձային փաթեթի սակագներ և պայմաններ»
5
:
Սույն ենթակետը կիրառելի է, եթե Հաճախորդը Հարթակում դիմում է «Ավելին» անհատական
աշխատավարձային փաթեթի համար:
7.5. «Հրավիրիր ընկերոջդ» ուղղորդման ծրագրի պայմաններ
6
:
8. Հաստատում եմ, որ Հայտի համաձայն Բանկում բացվող հաշիվների իրական շահառուն միայն ես եմ:
9. Բոլոր ֆինանսական միջոցները, որոնք փոխանցվում են Բանկում իմ հաշիվներին, ստացված են
օրինական ճանապարհով և ոչ մի կերպ կապված չեն փողերի լվացման, ահաբեկչության
ֆինանսավորման, թմրանյութերի վաճառքի, մարդկանց վաճառքի, հարկերի վճարումից
խուսափելու և այլ հանցավոր գործունեության հետ:
10. Իմ կողմից տրամադրված տեղեկությունները ճիշտ են և ամբողջական: Պարտավորվում եմ Հայտով
ներկայացված տեղեկություններում, այդ թվում` Կողմերի միջև հաղորդակցման համար անհրաժեշտ
իմ տվյալներում կատարված փոփոխությունների մասին անհապաղ և Բանկի համար ընդունելի
կապի միջոցներով տեղեկացնել Բանկին, և ընդունում եմ, որ Բանկին չտեղեկացնելու հետ կապված
հետևանքների և իմ կրած վնասների համար Բանկը պատասխանատվություն չի կրում:
1
«Ամերիաբանկ» ՓԲԸ կողմից ֆիզիկական անձանց բանկային ծառայությունների մատուցման հիմնական պայմաններ (11RBD
RL 72-01-01), ընդունվել է Բանկի Տնօրինության 04.02.2015թ. թիվ 02/03/15 որոշմամբ: Հղումը` https://ameriabank.am/useful-links
2
«Ամերիաբանկ» ՓԲԸ սակագներ ֆիզիկական անձ հաճախորդների համար (11RBD PL 72-01-01), ընդունվել է Բանկի
Տնօրինության 27.05.2015թ. թիվ 03/59/15 որոշմամբ: Հղումը` https://ameriabank.am/useful-links
3
«Ամերիաբանկ» ՓԲԸ վճարային քարտերի սպասարկման պայմաններ և օգտագործման կանոններ (11RBD/12CIB RL 72-01-03),
ընդունվել է Բանկի Տնօրինության 08.07.2015թ. թիվ 03/17/15 որոշմամբ: Հղումը` https://ameriabank.am/useful-links
4
«Ամերիաբանկ» ՓԲԸ քարտերի սակագներ (11RBD PL 72-56), ընդունվել է Բանկի Տնօրինության 29.07.2015թ. թիվ 02/20/15
որոշմամբ: Հղումը` https://ameriabank.am/useful-links
5
«Ամերիաբանկ» ՓԲԸ «Ավելին» անհատական աշխատավարձային փաթեթի սակագներ և պայմաններ (11RBD PL 72-01-13),
ընդունվել է Բանկի Տնօրինության 27.11.2023թ. թիվ 01/172/23 որոշմամբ: Հղումը` https://ameriabank.am/useful-links
6
«Ամերիաբանկ» ՓԲԸ ««Հրավիրիր ընկերոջդ» ուղղորդման ծրագրի պայմաններ» (11RBD RL 72-01-16), ընդունվել է Բանկի
Տնօրինության 10.10.2024թ. թիվ 01/148/24 որոշմամբ: Հղումը` https://ameriabank.am/useful-links
3
11RBD AG 72-01-52, Խմբ. 11
11. Հայտ-պայմանագրի ներկայացման (ստորագրման) պահին գործում եմ սթափ մտքով, առանց
մոլորության և հարկադրանքի ազդեցության, լիովին հասկանում եմ Բանկի հետ պայմանագրի
կնքման իրավական հետևանքներն ինձ համար։
Հաճախորդի անձնական տվյալների վերաբերյալ համաձայնություններ
12. Համաձայն եմ, որ Բանկն ինձ հետ իրավահարաբերություններ ձևավորելու և Հայտը
կազմելու/գեներացնելու նպատակով, առանց ինձ տեղեկացնելու, հարցումներ կատարի, ստանա և
օգտագործի «Բանկի կողմից ստացվող անձնական տվյալների նկարագրություն» փաստաթղթով
7
սահմանված իմ վերաբերյալ տեղեկատվությունը (ընդ որում, սույն համաձայնությունը
հանդիսանում է պարտադիր տրման ենթակա համաձայնություն և համարվում է տրված
Հարթակում` Հայտ-պայմանագիրը հաստատելու մասին կետում իմ կողմից նշում կատարվելու
պահից).
12.1. «Նորք» սոցիալական ծառայությունների տեխնոլոգիական և իրազեկման կենտրոն»
հիմնադրամից,
12.2. «Էլեկտրոնային կառավարման ենթակառուցվածքների ներդրման գրասենյակ» (ԷԿԵՆԳ) ՓԲԸ
միջոցով համապատասխան մարմիններից:
13. Համաձայն եմ (Հարթակում` համապատասխան համաձայնություն/հաստատում պարունակող
կետ(եր)ում իմ կողմից նշում(ներ) կատարված լինելու դեպքում), որ
13.1. Բանկն իրավունք ունի առանց ինձ նախապես տեղեկացնելու և լրացուցիչ համաձայնություն
ստանալու հարցումներ կատարել, ստանալ և օգտագործել (այդ թվում, սակայն
չսահմանափակվելով` Բանկի կողմից օգտագործվող փաստաթղթերում զետեղել, վերլուծել,
գնահատել և այլն) «Բանկի կողմից ստացվող անձնական տվյալների նկարագրություն»
7
փաստաթղթով սահմանված իմ վերաբերյալ տեղեկատվությունը «Նորք» սոցիալական
ծառայությունների տեխնոլոգիական և իրազեկման կենտրոն հիմնադրամից, «Էլեկտրոնային
կառավարման ենթակառուցվածքների ներդրումների գրասենյակի» միջոցով
համապատասխան մարմիններից և, առկայության դեպքում, «Բանկի կողմից ստացվող
անձնական տվյալների նկարագրություն» փաստաթղթով սահմանված այլ մարմիններից` ինձ
հետ իրավահարաբերություններ ձևավորելու, Բանկի ծառայությունների համար
պայմանագրեր, հայտեր կազմելու/գեներացնելու, իմ վարկավորման հնարավորությունները
Բանկի կամ իմ նախաձեռնությամբ դիտարկելու և Բանկի կամ իմ նախաձեռնությամբ
վարկավորման առաջարկներ ներկայացնելու նպատակով: Սույն համաձայնությունը և Բանկի`
«Բանկի կողմից ստացվող անձնական տվյալների նկարագրություն» հրապարակային
փաստաթուղթը կարդացել եմ, սույնով տրվող համաձայնության բովանդակությունն ինձ
համար ամբողջությամբ հասկանալի և ընդունելի է և հանդիսանում է իմ ազատ
կամահայտության արդյունքը:
13.2. Բանկն իրավունք ունի առանց ինձ նախապես տեղեկացնելու և լրացուցիչ համաձայնություն
ստանալու ՀՀ ԿԲ Վարկային Ռեգիստրից և/կամ «ԱՔՌԱ Քրեդիտ Ռեփորթինգ» ՓԲԸ-ից
հարցումներ կատարել, ստանալ և օգտագործել (այդ թվում, սակայն չսահմանափակվելով`
7
«Բանկի կողմից ստացվող անձնական տվյալների նկարագրություն» (11RBD/12CIB LI 72-01-02), ընդունվել է Բանկի
Տնօրինության 13.01.2021թ. թիվ 01/01/21 որոշմամբ: Հղումը` https://ameriabank.am/useful-links
4
11RBD AG 72-01-52, Խմբ. 11
Բանկի կողմից օգտագործվող փաստաթղթերում զետեղել, վերլուծել, գնահատել և այլն)
տեղեկատվություն իմ ներկա և անցյալ դրամական պարտավորությունների մասին` Բանկի
նախաձեռնությամբ մարքեթինգային նպատակով իմ վարկավորման հնարավորությունները
դիտարկելու և(կամ) ինձ վարկավորման առաջարկներ ներկայացնելու (ներառյալ` նախկինում
իմ մասին ստացված վարկային զեկույցի տեղեկատվությունը թարմացնելու) համար:
13.3. Տեղեկացված եմ և համաձայն եմ, որ սույն կետում նշված նպատակով Բանկի կողմից
կատարվող հարցումները որևէ ազդեցություն չեն ունենալու իմ վարկային ամփոփ
գնահատականի վրաԲանկը փոխանցի իմ դրամական պարտավորությունների մասին իր
ունեցած տեղեկատվությունը ՀՀ ԿԲ Վարկային ռեգիստր և/կամ «ԱՔՌԱ Քրեդիտ Ռեփորթինգ»
ՓԲԸ:
Նշված համաձայնությունները կիրառելի են Կողմերի միջև հաշվի բացման հայտ-պայմանագրի
շրջանակներում առաջացած իրավահարաբերության ամբողջ ժամանակահատվածի համար, քանի
դեռ Հաճախորդի կողմից գրավոր կերպով հետ չեն կանչվել:
14. Տեղեկացված եմ, որ ՀՀ օրենսդրությամբ նախատեսած իրավական հիմքերի առկայության դեպքում
ցանկացած պահի կարող եմ Բանկին ներկայացնել գրավոր պահանջ` Բանկի կողմից իմ անձնական
տվյալները ստանալու, մշակելու, պահպանելու, օգտագործելու և սույն փաստաթղթով տրամադրված
իմ մնացած համաձայնություն(ներ)ը հետ կանչելու վերաբերյալ, որը Բանկի կողմից դիտարկվում և
ընթացք է տրվում ՀՀ օրենսդրությամբ և/կամ Բանկի ներքին իրավական ակտերով սահմանված
կարգով և ժամկետներում: Տեղեկացված եմ նաև, որ համաձայնությունը հետ կանչելու դեպքում
կարող է սահմանափակվել և(կամ) դադարեցվել Բանկի կողմից ինձ ծառայությունների մատուցումը:
15. Հաճախորդի անձնական տվյալների աղբյուր հանդիսացող վերոնշյալ մարմինները վերանվանվելու,
վերակազմակերպվելու կամ այլ մարմիններով/աղբյուրներով փոխարինվելու փաստից անկախ
Հաճախորդի անձնական տվյալների վերաբերյալ համաձայնությունները համարվում են տրված, եթե
այդ համաձայնությունների հիման վրա ստացման ենթակա կամ տրամադրվող տեղեկատվության
ծավալը մնում է նույնը:
16. Համաձայն եմ, որ Հայտի լրացման, ինձ հետ տեսազանգի ժամանակ, ինչպես նաև իմ կողմից
Հարթակում տեխնիկածրագրային նույնականացում անցնելու ժամանակ իմ կողմից Բանկին
տրամադրված տեղեկատվությունը, բիոմետրիկ տվյալները, նկարները, տեսազանգի ընթացքը, իմ
վերաբերյալ Բանկին հայտնի դարձած տեղեկատվությունը (այդ թվում` ստացված Հայտ-
պայմանագրում նշված կազմակերպություններից/տվյալների աղբյուրներից) Բանկը կարող է
մշակել, ձայնագրել, պահպանել և օգտագործել Կողմերի միջև իրավահարաբերություններ
ձևավորելու, այդ իրավահարաբերությունների վերաբերյալ որոշումներ կայացնելու համար, ինչպես
նաև փոխանցել Բանկի հետ համագործակցող` Հարթակի տեխնիկական սպասարկում
իրականացնող կազմակերպություններին` համաձայն ՀՀ օրենսդրությամբ սահմանված
պահանջների:
17. Տեղեկացված եմ իմ անձնական տվյալների ուղղման, ոչնչացման, դրանց մշակման դադարեցման`
Պայմաններով սահմանված կարգի մասին:
18. Հարթակում իմ կողմից լրացված` ինձ հետ փոխկապակցված անձանց տեղեկատվությունը Բանկը
կարող է հետագայում թարմացնել Բանկի համար հավաստի աղբյուրներից ստացված
տեղեկատվության հիման վրա, այդ թվում` Բանկի սուբյեկտիվ գնահատականով:
19. Հարթակում իմ կողմից լրացված էլեկտրոնային փոստի հասցեն և բջջային հեռախոսահամարը
տնօրինվում են իմ կողմից, համաձայն եմ, որ Բանկը օգտագործի այդ կոնտակտային տվյալները
5
11RBD AG 72-01-52, Խմբ. 11
Պայմաններով և ՀՀ օրենսդրությամբ սահմանված կարգով իմ մասին բանկային գաղտնիք
պարունակող կամ այլ բնույթի տեղեկատվություն տրամադրելու կամ ստանալու, Բանկի
ծառայությունների հետ կապված նույնականացման և հավաստագրման տվյալներ ինձ ուղարկելու
համար, ինչպես նաև ընդունում եմ, որ այդ կոնտակտային տվյալների փաստացի օգտագործման
արդյունքում իմ մասին տեղեկատվությունը կամ ինձ տրամադրված ծառայությունները երրորդ
անձանց հասանելի դառնալու հետ կապված ռիսկերի և հետևանքների համար Բանկը
պատասխանատվություն չի կրում:
20. Հայտ-պայմանագրի «Հաճախորդի անձնական տվյալների վերաբերյալ համաձայնություններ» գլխի
դրույթները կարդացել եմ, այն ինձ համար ամբողջությամբ հասկանալի և ընդունելի է, և դրանում
նշված համաձայնությունները տալիս եմ իմ ազատ կամահայտությամբ:
Հաղորդակցման հանձնարարական
21. Հանձնարարում եմ Բանկին Հայտ-պայմանագրի հետ կապված ծանուցումները, պատասխանները,
Բանկում իմ բոլոր հաշիվների, քարտերի քաղվածքները, Բանկի այլ ծառայությունների
պայմանագրերի ներքո քաղվածքները, Բանկի պայմաններում և սակագներում փոփոխությունների
մասին և այլ բնույթի ծանուցումները
8
, ներառյալ ՀՀ օրենսդրությամբ նախատեսված
տեղեկատվությունը (այսուհետ՝ առանձին-առանձին կամ բոլորը միասին՝ ծանուցում) ինձ
տրամադրել` Հարթակում իմ կողմից լրացված էլեկտրոնային փոստի հասցեին կամ
հնարավորության դեպքում` MyAmeria համակարգի իմ էջին ուղարկելու/հասանելի դարձնելու
միջոցով:
22. Հանձնարարում եմ Բանկին Բանկում իմ բոլոր հաշիվների, քարտերի, ավանդների և մյուս բոլոր
ծառայությունների ներքո քաղվածքները տրամադրել ինձ ամսական պարբերականությամբ, եթե այլ
բան նախատեսված չէ ՀՀ օրենսդրությամբ:
23. Կողմերի միջև հաղորդակցման լեզուն հայերենն է:
24.
9
Վճարային քարտերի հետ կապված` համաձայն եմ, որ.
24.1. Հարթակով պատվիրված քարտը և հետագայում իմ կողմից պատվիրված բոլոր քարտերը
Բանկն ինձ տրամադրի Հարթակում նշված եղանակով և/կամ համաձայն Պայմանների,
24.2. քարտի PIN կոդը ենթակա է սահմանման իմ կողմից,
24.3. Քարտերի պայմանների համաձայն քարտի վերաբերյալ տեղեկատվության ստացման և այլ
նպատակներով կիրառման համար նախատեսված` քարտի գաղտնաբառը Բանկն ուղարկում է
իմ հեռախոսահամարին` SMS հաղորդագրության միջոցով, և այդ գաղտնաբառը կիրառվում է
Բանկի կողմից ինձ տրամադրվող բոլոր քարտերի և Հեռախոս-բանկ ծառայության համար:
25. Հանձնարարում եմ Բանկին ինձ համար MyAmeria ակտիվացնելու համար անհրաժեշտ
նույնականացման տվյալների ուղարկման համար կիրառել Հարթակում իմ կողմից լրացված
կոնտակտային տվյալները:
8
Բացառությամբ պահանջագրերը, նախապահանջները, գրավի արտադատական բռնագանձման և դատական ծանուցումները,
հայցադիմումները, վճարման կարգադրությունները, ինչպես նաև պետական մարմինների կամ վերջիններիս կողմից
լիազորված կազմակերպությունների կողմից իրականացվող գործողություններին առնչվող ծանուցումները և փաստաթղթերը,
որոնք Բանկն իրավասու է ուղարկել իր հայեցողությամբ` ստացման փաստը հավաստող որևէ եղանակով:
9
Սույն կետը կիրառելի է, եթե Հաճախորդը Հարթակում լրացրել է վճարային քարտի հայտ:
6
11RBD AG 72-01-52, Խմբ. 11
26. Համաձայն եմ, որ ինձ տեղեկատվության տրամադրման համար Բանկը կարող է կիրառել նաև իմ
ցանկացած այլ կոնտակտային տվյալ, ներառյալ էլեկտրոնային կամ այլ հեռահար կապի
միջոց/հասցե, որը ես նշել եմ Բանկի հետ կնքված պայմանագրերում կամ Բանկին տրամադրել եմ
Բանկի համար ընդունելի կապի միջոցներով:
27. Վարկերի խնդրահարույց դառնալու պարագայում պարտքերի հավաքագրման գործընթացում
Բանկը կարող է Հաճախորդի հետ հաղորդակցվել սույն հանձնարարականում նշված կոնտակտային
տվյալներից ցանկացածով։ Եթե Հաճախորդը ցանկանում է, որպեսզի պարտքերի հավաքագրման
գործընթացում Բանկն իր հետ կապ հաստատի իր նախընտրելի եղանակով, այն է՝ Վայբեր/Վոթսափ
կամ հեռախոսազանգ (այդ թվում՝ տվյալ եղանակի համար այլ կոնտակտային տվյալով), ապա
անհրաժեշտ է Բանկ ներկայացնել գրավոր դիմում։ Սույն կետի համաձայն Հաճախորդի կողմից
Բանկին ներկայացված դիմումում նշված նախընտրելի եղանակի (կապի միջոցի)
անհասանելիության, այդ թվում` Բանկի հաղորդակցումից բխող գործողությունները չկատարելու
և/կամ հաղորդակցմանը չարձագանքելու դեպքերում Բանկը կարող է Հաճախորդի հետ
հաղորդակցվել հնարավոր/հասանելի այլ եղանակներով:
28. Համաձայն եմ, որ Կողմերի միջև ծագող վեճերի լուծման կամ Կողմերի իրավունքների ու
պարտականությունների իրականացման ժամանակ դատարանը, պետական մարմինները և այլ
իրավասու կազմակերպություններ Բանկի պահանջով կարող են կիրառել Հայտ-պայմանագրում
սահմանված` Հաճախորդի հետ հաղորդակցման տվյալները և եղանակները:
