Ֆիզիկական անձ հաճախորդների համար
Արտարժութային գործառնություններ
Ամերիաբանկն իր հաճախորդներին առաջարկում է արտարժույթի փոխարկման ծառայություններ, այդ թվում՝ սփոթ, սվոպ և ֆորվարդային գործարքներ: Արտարժութային գործարքների կնքումը հնարավորություն է ընձեռում ձեռք բերել բանկի կողմից գնանշվող արժույթները մրցունակ փոխարժեքներով, ինչպես նաև փոխարժեքների շարունակական փոփոխման պայմաններում հնարավորին չափով նվազեցնել արժութային ռիսկերը:
-
Եթե արտարժույթի առքուվաճառքի գումարը գերազանցում է 400000 ՀՀ դրամը, ապա գործարքի իրականացման համար անհրաժեշտ է ներկայացնել անձը հաստատող փաստաթուղթ:
-
Օնլայն բանկինգ համակարգի միջոցով հաճախորդը կարող է իրականացնել արտարժույթի անկանխիկ առքուվաճառք, ընդ որում, 20 մլն ՀՀ դրամ և ավել գործարքները ենթակա են հաստատման Բանկի կողմից:
-
Օնլայն բանկինգի միջոցով իրականացվող արտարժույթի առքուվաճառքի գործարքների հնարավոր մերժումների դեպքում` հաճախորդին իրազեկվում է մերժման պատճառը:
-
Արտարժույթի առքուվաճառքի գործարքն անվճար է:
Ամերիաբանկը, ունենալով արտարժութային շուկաներում գործարքների իրականացման լայն հնարավորություններ, իր հաճախորդներին առաջարկում է բանկի կողմից գնանշվող արտարժույթի փոխարկման գործառնություններ մրցունակ փոխարժեքներով:
Ամերիաբանկն իր հաճախորդներին առաջարկում է պայմանագրային հիմունքներով սվոփ գործարքների կնքում` ներքին և միջազգային շուկաներում:
Ամերիաբանկն իր հաճախորդներին առաջարկում է բանկի կողմից գնանշվող արժույթներով ֆորվարդային գործարքներ, որոնց իրականացման ժամկետայնությունը պայմանավորված է գործարքի արժույթով: Արտարժույթ-արտարժույթ գործարքների դեպքում ժամկետը կարող է սահմանվել մինչև մեկ տարի: Արտարժույթ-ՀՀ դրամ գործարքների դեպքում ժամկետը սահմանվում է` ելնելով շուկայի իրավիճակից: Բոլոր ֆորվարդային գործարքները կրում են պայմանագրային բնույթ:
Թարմացված է առ 20.09.2019 թ., 18:03