HERE AND BEYOND
Ամերիաբանկը` Seedstars միջազգային մրցույթի Երևանյան փուլի Արծաթե գործընկեր
Մամուլի կենտրոն

Ամերիաբանկը հանդես եկավ որպես Seedstars World միջազգային մրցույթի Երևանյան փուլի Արծաթե գործընկեր ս.թ. սեպտեմբերի 23-ին Երևանում կազմակերպված մրցույթի ժամանակ, որը նախաձեռնել էին Մայքրոսոֆթ ինովացիոն կենտրոն Հայաստանը և ՎիվաՍել-ՄՏՍ-ը:   

Միջոցառման ընթացքում 70 հայտադիմումներից  ընտրված 11 ստարտափները ներկայացրեցին իրենց արտադրանքը միջազգային և տեղական մասնագետներից կազմված ժյուրիին, որի կազմում էր Ամերիաբանկի Տեխնոլոգիաների և գործառնությունների գծով տնօրեն Բուրաստան Մովսիսյանը:

Մրցույթին ներկայացված պրոդուկտները ժյուրիի կողմից գնահատվեցին մի քանի չափանիշներով՝ թիմ, առկա վիճակ, կիրառելիություն ավելի մեծ շուկայում, ստեղծած արժեք և այլն։ Ստարտափներից շատերն առաջարկում են արհեստական բանականության և մեքենայացված ուսուցման վրա հիմնված լուծումներ։ Ոլորտները նույնպես բազմազան են, և ամենաշատ լուծումներն առաջարկվում են կրթության, առողջապահության, էլեկտրոնային առևտրի, ֆինանսների ոլորտներում։ 

Մրցույթի հաղթող ճանաչվեց Chessify-ը, որը կներկայացնի Հայաստանը Շվեյցարիայում կայանալիք Seedstars World միջազգային մրցույթի ժամանակ և հնարավորություն կունենա մրցել 1,000,000 ԱՄՆ դոլար արժողությամբ մրցանակի համար։  

Մրցույթի Երևանյան փուլի երկրորդ և երրորդ տեղերը զբաղեցրել են համապատասխանաբար Inapptics եւ Breedge ընկերությունները։

Մրցույթի տեղական փուլի կազմակերպմանն աջակցել են նաև Շվեյցարիայի դեսպանատունը Հայաստանում, Նորարարական լուծումների եւ տեխնոլոգիաների կենտրոնը։

 

 

Թարմացված է առ 26.09.2017 թ., 16:36
2020 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: