HERE AND BEYOND
IFC. «Ամերիաբանկ»-ին տրված սուբորդինացված վարկը կավելացնի Հայաստանի բիզնեսի համար ֆինանսների հասանելիությունը
Մամուլի կենտրոն

«Ամերիաբանկ»-ին տրված սուբորդինացված վարկը կավելացնի ֆինանսների հասանելիությունը հայկական բիզնեսի համար, որը զգում է զարգացող շուկաներում եւ, մասնավորապես, տարածաշրջանում տնտեսական անկման հետեւանքները: Հունվարի 21-ին Երեւանում Վերակառուցման եւ զարգացման եվրոպական բանկի (EBRD) եւ Միջազգային ֆինանսական կորպորացիայի (IFC) հետ ֆինանսական համաձայնագրերի կնքման արարողությունից հետո այս մասին հայտարարեց Միջազգային ֆինանսական կորպորոցիայի (IFC) Եվրոպայի եւ Կենտրոնական Ասիայի գծով տնօրեն Թոմաշ Թելման:

IFC-ն ծրագրում է 2016 թվականին Հայաստանում ներդրումները ավելացնել՝ հասցնելով 100 մլն դոլարի: Սրանում ներառված է «Ամերիաբանկ»-ի վարկը, որին կավելանան նաեւ իրական հատվածում ծրագրերն ու իշխանությունների խորհրդատվական աջակցության նախագծերը:

1995 թվականից IFC-ն Հայաստանում 47 նախագծերում 340 մլն դոլար է ներդրել: Կորպորացիան նաեւ ավելի քան 122 մլն դոլարի չափով աջակցություն է ցուցաբերել առեւտրային գործարքներին, երկրում բիզնես մթնոլորտի բարելավմանն ուղղված խորհրդատվական մի շարք ծրագրեր իրականացրել:

«Ամերիաբանկ»-ը ակտիվներով, վարկային պորտֆելով, պարտավորություններով եւ ներդրումներով Հայաստանի խոշորագույն բանկն է: Բանկի ընդհանուր նորմատիվային կապիտալը ներկայում կազմում է գրեթե 200 մլն դոլար, իսկ 2015 թվականի վերջին ընդհանուր ակտիվները կազմել են ավելի քան 1 մլրդ դոլար:

 

Աղբյուրը՝  News.am

Թարմացված է առ 03.02.2016 թ., 9:22
2018 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկատվության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության,այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար: