HERE AND BEYOND
Ամերիաբանկի հետ պայմանագրի կնքումը պատմական գործարք է ՎԶԵԲ-ի համար. Ն.Թեսեյման
Մամուլի կենտրոն

Վերակառուցման և զարգացման եվրոպական բանկը (ՎԶԵԲ) 40 միլիոն ԱՄՆ դոլարի ներդրում է կատարել «Ամերիաբանկ» ՓԲԸ-ի բաժնետոմսերի ձեռքբերման նպատակով:

«Պատմական գործարք է ՎԶԵԲ-ի համար: Ամերիաբանկի հետ երկար տարիներ ենք աշխատում: Ամեն անգամ չափազանց տպավորված ենք եղել: Սակայն սա ամենամեծ մարտահրավերն է, քանի որ սա այն է, ինչ որ մենք ասում ենք փոխակերպման գործարք: Ներդրում է, որ եթե գործի, ինչպես պլանավում ու ակնկալում ենք, պետք է փոխակերպի ամբողջ հայկական բանկային համակարգը»,- պայմանագրի ստորագրումից հետո ասաց ՎԶԲ-ի գործադիր տնօրեն ֆինանսական հաստատությունների գծով Նիք Թեսեյմանը: 
Նա նշեց, որ ամբողջովին վստահ են բանկի ղեկավարության, բաժնետերերի, ներդրողների հանդեպ. «Վստահ եմ, որ կկարողանանք հաջողության հասնել առաջիկա հինգ տարիների աշխատանքի արդյունքում»: 

Այսօր Ամերիաբանկը պայմանագիր կնքեց նաև Համաշխարհային բանկի խմբի անդամ Միջազգային ֆինանսական կորպորացիայի (IFC) հետ, որը 50 միլիոն ԱՄՆ դոլարի ստորադաս փոխառություն է տրամադրել Հայաստանում խոշորագույն բանկը հանդիսացող «Ամերիաբանկ» ՓԲԸ-ին՝ վերջինիս կապիտալը ավելացնելու, երկրի տնտեսվարող սուբյեկտների վարկավորման հնարավորությունները և ֆինանսավորման հասանելիությունը ընդլայնելու, տնտեսական աճը և աշխատատեղերի ստեղծումը խթանելու նպատակով:

Պայմանագրի ստորագրումից հետո IFC Կենտրոնական և Արևելյան Եվրոպայի տարածաշրջանային տնօրեն Թոմաշ Թելման ասաց. «Հիացած ենք, որ ունենք բանկի հետ համագործակցելու այս հնարավորությունը: Բանկի հետ արդեն վեց տարի ենք աշխատում:
Կապիտալ տրամադրելով Հայաստանում մեր հիմնական գործընկեր բանկերից մեկին՝ մենք սատար ենք կանգնում նրա զարգացման ռազմավարության և հեռանկարային ծրագրերի իրականացմանը: Այս գործակցությունը Հայաստանի բանկային հատվածի կայունությանը բարձրացմանն ուղղված մեր նախաձեռնություններից է, որը ընդհանուր տնտեսական զարգացման համար վճռորոշ նշանակություն ունի»:

 

Աղբյուրը՝ http://www.panorama.am/

Ամբողջական նյութին ծանոթացեք այստեղ.

Թարմացված է առ 27.01.2016 թ., 17:23
2018 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկատվության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության,այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար: