HERE AND BEYOND
Ջրբաշյան. Հայաստանի բանկային համակարգը պատրաստ չէ նորարարական զարգացման
Մամուլի կենտրոն
ԴԻԼԻՋԱՆ, 13 նոյեմբերի. /ԱՌԿԱ/. Հայաստանի ժամանակակից բանկային համակարգը պատրաստ չէ տեխնոլոգիական զարգացման, հայտարարեց «Ամերիա» ընկերությունների խմբի զարգացման գծով տնօրեն Տիգրան Ջրբաշյանը Դիլիջանում մեկնարկած Բիզնես–նորարարությունների 3–րդ միջազգային համաժողովի շրջանակում։

«Բանկային ոլորտի նորարարական զարգացման համար հարկավոր են մեծ ֆինանսներ շուկայի անհրաժեշտ ծավալի բացակայության պայմաններում», – ասաց նա։

Փորձագետը կարծում է, որ բանկային համակարգը լուրջ փոփոխությունների եզրին է։

«2017 թ.–ին դուք կունենաք «քաղցած», տեխնոլոգիապես թերզարգացած բանկային համակարգ, որը մրցակցության մեջ է մտել համաշխարհային խոշոր դերակատարների հետ, և այն ստիպված կլինի ավելի մեծ ներդրումներ կատարել տեխնոլոգիական զարգացման մեջ», – նշեց նա։

Ջրբաշյանը նաև ավելացրեց, որ ժամանակակից տեխնոլոգիաները հանգեցնում են նրան, որ ամենատարբեր ոլորտներում ավանդաբար գործող միջնորդության ծառայությունները կորցնում են իրենց ակտուալությունը։ Օրինակ, Uber–ի նման ծառայությունը (iPhone–ով կամ Android–ով գործող հավելվածի միջոցով անձնական վարորդ պատվիրելու ծառայություն) փոխարինում է ավանդական տաքսի ծառայությանը։

Նա նաև նշեց, որ ֆինանսական ոլորտում տեղի է ունենում ֆինանսական ռեսուրսների հասանելիության ժողովրդավարացում, և ֆինանսական միջնորդության գոյություն ունեցող ինստիտուտներն ուբերնիզացվում են (միջնորդների վերացում)։

«Ոչ միայն աշխարհում, այլ նաև Հայաստանում, մեծ թափ է հավաքում «քրաուդ լենդինգ» ֆենոմենը, որը թույլ է տալիս, շրջանցելով ավանդական ֆինանսական ինստիտուտները, վարկավորել կամ վարկ ստանալ», – ասաց Ջրբաշյանը։

Բիզնես–նորարարությունների 3–րդ միջազգային համաժողովը մեկնարկել է նոյեմբերի 13–ին Դիլիջանում։ Համաժողովին մասնակցում են տեղական և օտարերկրացի գործարարներ, բիզնես–միավորումների և ասոցիացիաների, պետական կառավարման մարմինների, խորհրդատվական ընկերությունների, կրթական հաստատությունների ներկայացուցիչներ, դիվանագետներ։

Միջոցառումն անցկացվում է Հայաստանի վարչապետ Հովիկ Աբրահամյանի բարձր հովանու ներքո։ Համաժողովի գլխավոր հովանավորն է BetConstruct ընկերությունը։

Բիզնես–նորարարությունների առաջին միջազգային համաժողովն անցկացվել է Դիլիջանում 2013 թ.–ի նոյեմբերի 29–ից դեկտեմբերի 1–ը։
armbanks.am
Թարմացված է առ 17.11.2015 թ., 16:26
2018 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկատվության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության,այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար: