HERE AND BEYOND
«ԴիջիԹեք-2015» ցուցահանդեսին Ամերիաբանկը ներկայացել է երկու նորարարությամբ
Մամուլի կենտրոն
Ամերիաբանկը միջազգային տեխնոլոգիական «ԴիջիԹեք-2015» ցուցահանդեսին ներկայացել է երկու նորարարությամբ: Առաջին նորարարությունը Յուքոմ ընկերության հետ համատեղ նախագիծն է՝ «TV Banking»-ը:

Ինչպես այսօր լրագրողների հետ զրույցում հայտնեց Ամերիաբանկի տեխնոլոգիաների և գործառնությունների գծով տնօրեն Բուրաստան Մովսիսյանը, Յուքոմ ընկերության հետ համատեղ ներդրված «TV banking» նախագծի շնորհիվ բանկի հաճախորդներին, ովքեր միաժամանակ հանդիսանում են նաև Յուքոմի բաժանորդներ, հնարավորություն է ընձեռվում անմիջապես իրենց հեռուստացույցի միջոցով կոմունալ վճարումներ կատարել:

«Մենյու մուտք գործելով` հնարավոր կլինի կատարել «Յուքոմ» ընկերության ծառայությունների, ինչպես նաև այլ կոմունալ վճարումներ: Նույնիսկ հնարավոր է խմբային վճարման հանձնարարական ձևակերպել և մեկ վճարումով բոլոր կումունալ վճարումները կատարել»,- ասաց Բ. Մովսիսյանը:

Նշենք, որ ծառայության կոմերցիոն մեկնարկը դեռ չի տրվել, այսօր ներկայացվում է նախագծի թեստային տարբերակը, իսկ մինչ նոյեմբերի 1-ն արդեն այն հասանելի կլինի Ամերիաբանկի բոլոր հաճախորդներին:

Քարտով օնլայն փոխանցումների նոր համակարգ

Բուրաստան Մովսիսյանը ներկայացնելով Ամերիաբանկի երկրորդ նորարարությունը՝ նշեց, որ այն վերաբերում է քարտով օնլայն փոխանցումներին:

«Այս նոր համակարգը մրցակցելու է «Յունիստիմ», «Մանիգրամ» հայտնի համակարգերի հետ: Ամերիաբանկի կայք մուտք գործելով` ցանկացած երկրի բանկի հաճախորդ հնարավորություն կստանա փոխանցում կատարել մեր բանկի ցանկացած հաճախորդի հաշվին: Այսինքն՝ ձեր տանը նստած, մուտք գործելով Ամերիա բանկի կայք, հեշտութամբ կարող եք փոխանցում կատարել»,- ասաց նա:

Բ.Մովսիսյանը հայտնեց, որ փոխանցումը տեղի է ունենում մի քանի վայրկյանների ընթացքում:

«Կարծում ենք, որ մեր սփյուռքահայության շրջանում մեծ հետաքրքրություն կառաջացնի այս ծառայությունը: Ստացողը պետք է Ամերիայի հաճախորդ լինի, ունենա քարտային հաշիվ կամ բացված հաշվեհամար, իսկ փոխանցողը կարող է լինել այլ բանկի հաճախորդ»,- ընդգծեց նա:

Քարտից քարտ և քարտից բանկային հաշիվ օնլայն փոխանցումներ հնարավոր է իրականացնել Ամերիաբանկի կայքի միջոցով ցանկացած բանկի MasterCard, Visa կամ ArCa վճարային քարտերից Ամերիաբանկի քարտային և բանկային հաշիվներին: Համակարգի յուրահատկությունն ու հարմարավետությունը կայանում է նրանում, որ փոխանցում իրականացնելու համար անհրաժեշտ է ունենալ ինտերնետ հասանելիություն և միայն մուտքագրել շահառուի հաշվի/քարտի համարը , ընդ որում, վիրտուալ քարտի գրանցման անհրաժեշտություն այլևս չկա: Գումարը ստացողի հաշվին ակտիվանում է անմիջապես:

Համակարգն ապահովված է անվտանգ միացումների (SSL) տեխնոլոգիայով, բացի այդ ինտերնետ միջավայրում վճարային քարտերով փոխանցումների անվտանգությունն ապահովվում է Master Card Secure Code և VISA Verified by Visa (VbV) տեխնոլոգիաներով:
Թարմացված է առ 02.10.2015 թ., 16:43
2020 © "Ameriabank" CJSC   |   Բոլոր հեղինակային իրավունքները պաշտպանված են:

Հարգելի այցելու,

Կայքի որևէ տեղեկության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն տեքստերում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկության օգտագործման հնարավոր հետևանքների համար:

 

Ամերիաբանկ ՓԲԸ-ն վերահսկվում է ՀՀ ԿԲ կողմից: