ONLINE

CHAT


Ո՞րն է սպառողական և նպատակային վարկերի տարբերությունը

 

Հարց 1: Ի՞նչ վարկ պետք է վերցնել, որպեսզի վերանորոգել բնակարանը կամ առանձնատունը։

Պատասխան: Բնակարանի կամ առանձնատան համար նպատակահարմար է վերցնել անշարժ գույքի վերանորոգման/վերակառուցման և կառուցման վարկը։ Դա հիփոթեքային վարկ է, ունի ավելի ցածր տոկոսադրույք և մարման ավելի երկար ժամկետ, քան սովորական սպառողական վարկը։

Հարց 2: Կարելի՞ է արդյոք ցածր տոկոսադրույքով հիփոթեքային վարկ վերցնել և օգտագործել այլ նպատակով։

Պատասխան: Ոչ, հիփոթեքային վարկը նպատակային է, նախատեսված է միմիայն անշարժ գույքի ձեռքբերման համար։ Վարկի մարման ողջ ժամանակահատվածի ընթացքում Բանկը պարբերաբար իրականացնում է մոնիտորինգ` ստուգելու համար վարկի օգտագործման նպատակայնությունը։

Հարց 3: Հնարավո՞ր է արդյոք մեքենայի գրավով հիփոթեքային վարկ վերցնել։

Պատասխան: Սկզբունքորեն ոչ, հիփոթեքային վարկ կարելի է վերցնել միայն անշարժ գույքի գրավով:

Հարց 4: Հնարավո՞ր է արդյոք մեքենայի գրավով սպառողական վարկ վերցնել։

Պատասխան: Այո, սպառողական վարկ կարելի է վերցնել ինչպես անշարժ, այնպես էլ շարժական գույքի գրավադրման պարագայում։ Որոշակի պայմաններ բավարարելու դեպքում հնարավոր է նաև վերցնել անգրավ սպառողական վարկ կամ վարկային գիծ, սակայն այդ դեպքում տոկոսադրույքը կարող է լինել ավելի բարձր:

Հարց 5: Ինչի՞ համար է նախատեսված սպառողական վարկը։

Պատասխան:

Սպառողական վարկը կարելի է ազատորեն տնօրինել` մասնավորապես` կենցաղային և էլեկտրոնային տեխնիկա գնելու, միջոցառումներ իրականացնելու և այլ ընթացիկ ծախսերը հոգալու համար։ Եթե Ձեզ անհրաժեշտ է ոչ շատ մեծ գումար, ապա սպառողական վարկն ամենաճիշտ լուծումն է։:

Հարց 6: Ո՞րն է ավտովարկի և սպառողական վարկի տարբերությունը։:

Պատասխան: Ավտովարկը ևս կարելի է դիտարկել որպես սպառողական վարկ, սակայն այն նպատակային վարկատեսակ է, որի տոկոսադրույքն ավելի ցածր է, ժամկետը՝ ավելի երկար: Որպես կանոն, մեքենայի ձեռքբերման համար այն ավելի նախընտրելի տարբերակ է։ Առաջնային շուկայում Բանկի հետ համագործակցող ընկերություններից մեքենայի ձեռքբերման դեպքում գործում են որոշակի հատուկ արտոնություններ:
Թարմացված է առ 07.08.2017 թ., 15:25

Բանկի կողմից տրամադրվող ծառայությունները

.
ԳԼԽԱՄԱՍԱՅԻՆ ԳՐԱՍԵՆՅԱԿ

Գրիգոր Լուսավորիչ 9, Երևան 0015, ՀՀ

Հեռ.՝ (+37410) 56 11 11

Ֆաքս՝ (+37410) 51 31 33

ԱՄՆ-ում`

+1 888 802 5352 

Մեծ Բրիտանիայում`

+448000903191

Հարգելի այցելու,

Կայքի որևէ տեղեկատվության վերաբերյալ տարբեր լեզուներում անհամապատասխանություն, ինչպես նաև ռուսերեն և անգլերեն լեզուներում ոչ ամբողջական նյութ տեսնելու դեպքում խնդրում ենք առաջնորդվել հայերեն տարբերակով:

 

Ամերիաբանկ ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության,այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար:

© 2007-2017. All rights reserved.